జగపతి బాబు స్థానం లోకి రోహిత్ వచ్చాడట!

అనుకుంది ఒక్కటి అయ్యింది ఒక్కటి బోల్తా పడిందిలే బుల్ బుల్ పిట్ట' అనే ఓ సూపర్ హిట్ పాతపాట ఉంది. అందులో 'బోల్తా పడిందిలే బుల్ బుల్ పిట్ట' ను తీసేయండి. ఇప్పుడు మిగతా సగం మన టాలీవుడ్ 'ఆటగాళ్ళు' సినిమా బ్యాక్ ఎండ్ లో జరిగినదానికి సరిగ్గా సరిపోతుంది. సగం ఏంటో.. బ్యాక్ ఎండ్ ఏంటో అని తికమకపడకుండా కాస్త ఓపిక పట్టండి.

ఇప్పుడు టాపిక్ లో కి వెళ్తే.. నారా రోహిత్ -జగపతి బాబు కలిసి నటించిన 'ఆటగాళ్ళు' సినిమా రేపు రిలీజ్ కానుంది. ఈ సినిమాకు పరుచూరి మురళి దర్శకుడు. ఈ సినిమాలో మొదట హీరోగా నారా రోహిత్ ను అనుకోలేదట. ఆ పాత్ర కు జగపతి బాబునే అనుకున్నారట. ఈ విషయం డైరెక్టరే చెప్పాడు. మొదట జగపతి బాబునే హీరో అనుకున్నారు కానీ 'పటేల్ SIR' సినిమా ఫలితంతో జగపతి బాబు హీరో రోల్ వద్దని ఫీలయ్యి ఆగిపోయాడట. ఆడియన్స్ తనను నెగటివ్ రోల్స్ లో చూసేందుకు ఇష్టపడుతున్నారని.. హీరో రోల్ చేసేందుకు ఇది సమయం కాదని డిసైడ్ కావడంతో ఇక హీరో పాత్ర కోసం వేరే హీరోను వెతికారట. అప్పుడు వాళ్ళు నారా రోహిత్ కు ఆ రోల్ ఇవ్వడం జరిగిందట. కానీ జగపతి బాబు పాత్రకు మంచి వెయిటేజ్ ఉందట.

మరి ఈ థ్రిల్లర్ సినిమా ఆడియన్స్ ను ఎంతగా ఆకట్టుకుంటుందో వేచి చూడాలి. మరోవైపు ఈ చిత్రం హలీవుడ్ ఫిలిం 'ప్రైమల్ ఫియర్' నుండి ఇన్స్పిరేషన్ తీసుకుని చేసినట్టుగా టాలీవుడ్లో గుసగుసలు వినిపిస్తున్నాయి. సినిమా రిలీజ్ రేపే కాబట్టి ఆ విషయం నిజమా కదా అనేది రేపే తేలుతుంది.