'లెజెండ్‌' విషయంలో నాకు అన్యాయం జరిగింది

బాలకృష్ణ మరియు బోయపాటి శ్రీనుల కాంబోలో వచ్చిన లెజెండ్‌ సినిమాతో విలన్ గా జగపతిబాబు నటించాడు. అప్పటి వరకు ఫ్యామిలీ హీరోగా మంచి పేరు దక్కించుకున్న జగపతి బాబు ఆ తర్వాత లెజెండ్‌ తో విలన్ గా ఎంట్రీ ఇచ్చాడు. లెజెండ్‌ సూపర్‌ హిట్ అయిన నేపథ్యంలో జగపతిబాబు విలన్ గా క్యారెక్టర్‌ ఆర్టిస్టుగా బిజీ అయ్యాడు. అయితే ఆ సినిమాలో తనకు అన్యాయం జరిగింది అంటూ జగపతి బాబు తాజా ఇంటర్వ్యూలో వ్యాఖ్యలు చేశాడు. విలన్ గా పవర్‌ ఫుల్‌ గా చూపించలేదు అంటూ సున్నితంగా ఆయన అసంతృప్తి వ్యక్తం చేశాడు.

లెజెండ్‌ సినిమాలో నాకు జరిగిన అన్యాయం గురించి మీకు తెలుసు అందరికి తెలుసు. ఆ సినిమాలో ఫైట్ల విషయంలో చెప్పింది ఒకటి చేసింది మరోటి. లెజెండ్‌ సినిమా లో హీరోకు పోటీగా విలన్ పాత్ర ఉంటుంది అన్నట్లుగా చెప్పి తీసుకున్నారట. కాని ఆ స్థాయిలో తన పాత్ర చూపించలేదు అంటూ నిర్మొహమాటంగా జగపతిబాబు వ్యాఖ్యలు చేశాడు. ఆయన చేసిన వ్యాఖ్యలు ప్రస్తుతం సోషల్‌ మీడియాలో వైరల్‌ అవుతున్నాయి. అయితే జగపతి బాబు వ్యాఖ్యలను కొందరు సమర్థిస్తూ ఉండగా మరి కొందరు మాత్రం ఆయన తీరును విమర్శిస్తున్నారు.

బాలకృష్ణ లెజెండ్‌ సినిమాలో నటించిన కారణంగానే ప్రస్తుతం జగపతిబాబు ఈ స్థాయిలో ఉన్నాడని.. అలాంటి సినిమా గురించి ఇలా విమర్శలు చేయడం భావ్యం కాదంటూ కొందరు అంటూ ఉండగా.. సినిమా అన్నప్పుడు హీరో విలన్‌ పోటీ పడితే హీరో గెలవాలి అప్పుడే అందరు ఓకే అంటారు అంటూ జగపతిబాబు వ్యాఖ్యలను ఉద్దేశించి కామెంట్స్‌ చేస్తున్నారు. బాలకృష్ణ తో చేస్తే అలాంటివి తప్పవు అంటూ కొందరు జగపతిబాబుకు మద్దతుగా వ్యాఖ్యలు చేశారు. మొత్తానికి జగపతి బాబు వ్యాఖ్యలు ప్రస్తుతం ఇండస్ట్రీ వర్గాల్లో వైరల్‌ అవుతున్నాయి.