జై లవ కుశ హాలీవుడ్ కాపీనా?

జూనియర్ ఎన్టీఆర్ లేటెస్ట్ మూవీ జై లవకుశ. దసరా సందర్భంగా సెప్టెంబర్ 21న ఈ మూవీ రిలీజ్ కానుంది. మూడు నెలలకు ముందే రిలీజ్ డేట్ ఇచ్చేసిన ఈ సినిమాలో.. ఎన్టీఆర్ మూడు పాత్రలు పోషిస్తున్న సంగతి తెలిసిందే. ఇప్పటికే జై.. లవ.. కుశ.. అంటూ మూడు లుక్స్ ను రిలీజ్ చేసేశారు.

మిగిలిన రోల్స్ కంటే విలన్ పాత్రధారి అయిన జై పాత్రలో ఎన్టీఆర్ ఆహార్యం అదిరిపోయిందనే టాక్ ఉంది. అయితే.. బాబీ దర్శకత్వంలో రూపొందుతున్న జై లవకుశ.. ఓ హాలీవుడ్ మూవీకి కాపీ అనే టాక్ మొదలైంది. 2008లో వచ్చిన సౌత్ కొరియన్ మూవీ 'ద గుడ్ ద బ్యాడ్ ద వియర్డ్' అనే కౌబాయ్ చిత్రానికి రీమేక్ అంటున్నారు. అయితే.. నిజానికి ఈ సినిమా కూడా రీమేక్ కావడం విశేషం. 1966లో వచ్చిన 'ద గుడ్ ద బ్యాడ్ ద అగ్లీ' అనే ఓ హాలీవుడ్ కౌబాయ్ చిత్రానికి ఈ సౌత్ కొరియన్ మూవీ రీమేక్ కాగా.. జై లవకుశను ఈ చిత్రం నుంచే ఇన్ స్పిరేషన్ తీసుకున్నారని అంటున్నారు.

అఫీషియల్ రీమేకా.. లేక ఇన్ స్పిరేషనా.. అసలు వేరే సినిమానా అనే విషయంపై అధికారిక ప్రకటన అయితే ఏమీ లేదు. అయితే ఆ మూవీలో మాత్రం మూడు పాత్రలను ముగ్గురు నటులు పోషిస్తారు. కానీ తెలుగుకు వచ్చేసరికి మూడు పాత్రలను ఎన్టీఆర్ పోషిస్తుండగా.. విలన్ గెటప్ లో ఎన్టీఆర్ నటనే ఈ సినిమాకు హైలైట్ గా నిలవనుంది అంటున్నారు నెటిజన్స్. చూద్దాం మరి. సినిమా రిలీజ్ అయితేగాని ఈ కాపీ మ్యాటర్ పై క్లారిటీ రాదు