ట్రైలర్ టాక్: భరిస్తా.. తీసేస్తా..

మొన్నంతా చాలా తీవ్రమైన యాక్షన్ సినిమా చూపించిన 'జై సింహా' ఇప్పుడు మాత్రం కొత్తరకంగా లవ్ అండ్ నాటి సినిమా ఒకటి చూపిస్తున్నాడు. బాలయ్య ఒక మెకానిక్.. సైకిలిస్ట్.. అంటూ కొత్త యాంగిల్ ఒకటి చూపించాడు. పదండి ఈ కొత్ర ట్రైలర్ ఎలా ఉందో చూద్దాం.

తనకు ఎంతో ఈజీగా వచ్చే డైలాగుల జాతరను మరోసారి ఆవిష్కరించారు బాలయ్య. ట్రైలర్ అంతా కూడా సెంటిమెంట్ అండ్ రొమాన్స్ కు సంబంధించిన సీన్లతో నింపేశారు. ఒక ప్రక్కన నయనతార.. మరోప్రక్కన హరిప్రియ.. ఇంకో ప్రక్కన ఏదో సెంటిమెంట్.. ఇవన్నీ ట్రైలర్లో బాగానే వర్కవుట్ అయ్యాయ్. అలాగే సినిమా కథ కూడా ఈ ట్రైలర్ ద్వారా కాసింత అర్దమైపోతోందనే చెప్పాలి. ఇకపోతే ''మౌనంగా బాధల్నీ భరిస్తా.. మూర్ఖంగా ప్రాణాల్నీ తీసేస్తా!!'' అంటూ బాలయ్య చివర్లో చెప్పే పంచ్ డైలాగ్ బాగుంది.

ఇకపోతే ఒక ప్రక్కా మాస్ యాక్షన్ సినిమాను దర్శకుడు కెఎస్ రవికుమార్ ఈ 'ఈ జైసింహ' ద్వారా మన ముందుకు తీసుకువస్తున్నాడనే చెప్పాలి. అలాగే మాస్ ప్రేక్షకుల కోసం ఈ సంక్రాంతికి మసాలా ఫిలిం ఏదీ లేదు కాబట్టి.. అన్ని విధాలుగా బాలయ్య ఎడ్వాంటేజ్ అయ్యే ఛాన్సుందని ఈ ట్రైలర్ చెప్పకనే చెబుతోంది.