జంబ లకిడి పంబ.. ఇంకేదో కావాలే

జంబ లకిడి పంబ అంటూ అలనాటి నవ్వుల సినిమా పేరును ఉపయోగించుకుని.. ఇప్పుడో మూవీ రూపొందుతోంది. శ్రీనివాస రెడ్డి.. సిద్ధి ఇద్నాని జంటగా నటించిన జంబ లకిడి పంబ.. ఇప్పటికే ఫస్ట్ లుక్ పోస్టర్ తో ఆకట్టుకోగా.. ఇప్పుడు టీజర్ ను కూడా తీసుకొచ్చారు. యంగ్ హీరో నాని చేతుల మీదుగా టీజర్ ను విడుదల చేయించగా.. జంబ లకిడి పంబ కాన్సెప్ట్ కు ముందు ఏం జరిగిందనే స్టోరీని రివీల్ చేశారు.

విడాకులు కోరుకునే జంటగా హీరో హీరోయిన్లు కనిపిస్తారు. ఇద్దరి మధ్య పొరపొచ్చాలు ఎందుకు వచ్చాయి.. ఎలాంటి తేడాలు వారి జీవితంలో చోటు చేసుకున్నాయనే విషయాన్ని చూపించారు. ఆ తర్వాత సడెన్ గా ఒకరి రూపంలోకి మరొకరు మారిపోవడం అన్న పాయింట్ తో.. టీజర్ ను దాదాపుగా ముగించేశారు. ఆ తర్వాత అన్నీ ఫ్రేమ్స్ వ్యవధిలోనే చూపించారంతే. దీంతో టీజర్ లో నవ్వులకు చోటు లేకపోయింది. ఇంతకీ అసలు జంబ లకిడి పంబ ఎలా సాధ్యమైందనే సంగతిని కూడా టీజర్ లో చెప్పలేదు.

కానీ కామెడీ ఆధారంగా రూపొందుతున్న జంబ లకిడి పంబ చిత్రానికి.. ఇలా నవ్వులు లేకుండా టీజర్ ను కట్ చేయడం అంతగా ఆకట్టుకోలేకపోయిందనే చెప్పాలి. అయితే.. ఇప్పటికి ఇది టీజర్ మాత్రమే కాబట్టి.. ట్రైలర్ తో అయినా కాసిన్ని నవ్వులు పూయించగలిగితే.. సినిమాపై అంచనాలు అమాంతం పెరిగే అవకాశం ఏర్పడుతుంది.

వీడియో చూడటానికి క్లిక్ చేయండి