ఎన్టీఆర్ ఫ్యాన్స్‌ కు గ్యారేజ్ స్పెష‌ల్ ఇన్విటేష‌న్లు

బ్లాక్ బ‌స్ట‌ర్ హీరో ఎన్‌ టీఆర్‌ - బ్లాక్ బ‌స్ట‌ర్ డైరెక్ట‌ర్ కొర‌టాల శివ‌ల కాంబినేష‌న్‌లో తెర‌కెక్కుతున్న జ‌న‌తా గ్యారేజ్ సెట్స్ మీద‌కెక్కిన‌ప్ప‌టి నుంచి సంచ‌ల‌న‌మే! ఇప్ప‌డు అదే సంచ‌ల‌నం కంటిన్యూ చేస్తూ.. అదే రేంజ్‌ లో సినిమా ఆడియో ఫంక్ష‌న్‌ ను ప్లాన్ చేశారు. దీనికి సంబంధించి ఫ‌స్ట్ స్టెప్ నుంచి డిఫ‌రెంట్ క్రియేట్ చేస్తున్నారు. ఈ క్ర‌మంలోనే ఆడియో ఫంక్ష‌న్ వేడుక ఆహ్వాన ప‌త్రిక‌ల‌ను వెరైటీగా ముద్రించారు. జ‌న‌తా గ్యారేజ్ టైటిల్‌కు త‌గ్గ‌ట్టుగానే ఓ కార్ల మెకానిక్ షెడ్డును త‌ల‌పించేలా ఆహ్వాన ప‌త్రిక‌లను కూడా అలానే తీర్చి దిద్దారు.

రెండు ర‌కాల్లో ఇన్విటేష‌న్ కార్డులు ప్రింట్ చేయించారు. ఫ్యాన్స్‌ కు పంపేందుకు స్పానర్ టైపులో ఒక ఇన్విటేష‌న్ కార్డు - సినీ ఇండ‌స్ట్రీ పెద్ద‌ల‌ను పిలిపేందుకు రిమ్ టైపులో డిఫ‌రెంట్ కార్డులు ముద్రించారు. ఇప్ప‌టికే అభిమానుల‌కు ఈ ఇన్విటేష‌న్లు అందుతున్నాయ‌ని స‌మాచారం. వాటిని అందుకున్న ఫ్యాన్స్ అయితే ఆ స్పెషల్ ఇన్విటేషన్స్‌కి ఫిదా అవుతున్నారట. రేపు ఆడియో రిలీజ్‌ని కూడా అదిరిపోయే రేంజ్‌ లో ఏదైనా స్పెషల్‌ గా చేశారంటే మాత్రం జనతా గ్యారేజ్ పైన ఎక్స్‌ పెక్టేషన్స్ బీభత్సంగా పెరిగిపోతాయనడంలో సందేహమే లేదు. మ‌రి ఎన్టీఆరా మ‌జ‌కా అనుకోవాల్సిందే.

మైత్రీ మూవీస్ బ్యాన‌ర్‌ పై తెర‌కెక్కుతున్న ఈ సినిమాలో ఎన్టీఆర్ స‌ర‌స‌న స‌మంత‌-నిత్యామీన‌న్ హీరోయిన్లుగా న‌టిస్తున్నారు. దేవిశ్రీప్ర‌సాద్ స్వ‌రాలందించ‌గా ప్ర‌ముఖ బాలీవుడ్ సినిమాటోగ్రాఫ‌ర్ తిరువ‌ణ‌క్క‌ర‌సు కెమేరామెన్‌ గా ప‌నిచేశారు. ఆగ‌స్టు 12న గ్యారేజ్ ఆడియో రిలీజ్ అవుతుండ‌గా, సెప్టెంబ‌ర్ 2న ప్ర‌పంచ‌వ్యాప్తంగా గ్యారేజ్ ప్రేక్ష‌కుల ముందుకు వ‌స్తోంది.