రికార్డులకి రిపేర్లు మొదలుపెట్టిన ఎన్టీఆర్

జనతా గ్యారేజ్.. ఇక్కడ అన్ని రిపేర్లు చేయబడును. టైటిల్ లోగోతో పాటే కలిపి ఇచ్చిన క్యాప్షన్ ఇది. దీన్నే ట్రైలర్ లో కూడా తనదైన స్టైల్ లో చెప్పి అలరించాడు యంగ్ టైగర్ ఎన్టీఆర్. మనోడు చెప్పిన దాని ప్రకారం.. బలహీనులకు అండగా నిలబడుతు.. బలవంతులకు రిపేర్లు చేస్తుంటాడు. ఇప్పుడు రిలీజ్ అయిన టీజర్ తో.. యూట్యూబ్ రికార్డులకు రిపేర్లు చేసేస్తున్నాడు జూనియర్.

జనతా గ్యారేజ్ టీజర్ విడుదలయ్యాక.. కేవలం 6 గంటల 15 నిమిషాల్లోనే 10 లక్షల వ్యూస్ (1 మిలియన్‌) వచ్చేశాయి. ఇది టాలీవుడ్ బిగ్గెస్ట్ రికార్డ్. ఇంత స్పీడ్ గా ఆన్ లైన్ వ్యూస్ దక్కించుకోవడం ఎన్టీఆర్ కి మాత్రమే సాధ్యం. గతంలో కూడా ఈ రికార్డ్ ఎన్టీఆర్ పేరిటే ఉంది. నాన్నకు ప్రేమతో టీజర్ విడుదల చేసినప్పుడు 6 గంటల 32నిమిషాల్లో ఈ ఫీట్ సాధించిన జూనియర్.. ఇప్పుడా లెక్కను సరిచేసేశాడు. అయితే.. యూట్యూబ్ లో వ్యూయర్స్ కి ఈ లెక్కలో కొంచెం తేడా ఉంటుంది. దీనికి కారణం రియల్ వ్యూస్ ని అక్కడ డిస్ ప్లే చేసేందుకు టైమ్ గ్యాప్ ఉంటుంది.

కానీ అప్ లోడర్స్ కి మాత్రం డాష్ బోర్డులో రియల్ టైమ్ వ్యూస్ కనిపిస్తాయి. అందుకే నిర్మాతలు ఈ విషయంలో క్లారిటీ ఇచ్చేందుకు డ్యాష్ బోర్డ్ కి సంబంధించిన స్క్రీన్ షాట్స్ ను ఇస్తూ.. క్లారిటీ ఇచ్చారు. మరోవైపు అత్యంత వేగంగా 40వేల లైక్స్ ని సంపాదించిన టాలీవుడ్ టీజర్ గా కూడా జనతా గ్యారేజ్ నిలిచింది. ఇప్పుడే రికార్డులకు ఇన్ని రిపేర్లు చేస్తూంటే.. ఈ లెక్కన ఎన్టీఆర్ జనతా గ్యారేజ్ రిలీజ్ అయ్యాక.. మరెన్ని రికార్డులకు రిపేర్లు చేస్తాడో!