ట్రైలర్ టాక్‌: నేచర్ లవర్స్ గ్యారేజ్

ఆనంద్ కు మొక్కలంటే చాలా ఇష్టం. అలాగే జనతా గ్యారేజ్ అధినేత మోహన్ లాల్ కు మనుషులంటే చాలా ఇష్టం. ముంబయ్ లో ఎక్కడో నేచర్ ని డిస్ర్టాయ్ చేయకండి అంటూ యుద్దం చేసే ఒక స్టూడెంట్.. అలాగే హైదరాబాద్ లో మనుషుల కోసం పోరాడే ఈ పెద్దాయన. ఇద్దరూ పోరాడేది ఇతర ప్రాణుల కోసమే. వీరిద్దరినీ నేచర్ కలిపింది. అందులోనే ఉంది అసలు కిక్ అంతా. అబ్బబ్బా.. పదండి ఈ డిటైల్స్ అన్నీ చూద్దాం.

యంగ్ టైగర్ జూ.ఎన్టీఆర్ మెయిన్ లీడ్ గా రూపొందుతున్న 'జనతా గ్యారేజ్' ట్రైలర్ ఇప్పుడు సంచలనం సృష్టిస్తుంది. సోషల్ కాజ్ తో సినిమాలను చేయడమే తన ధ్యేయంగా పెట్టుకున్న కొరటాల శివ.. ఇప్పుడు నేచర్ లవర్ గా ఎన్టీఆర్ ను అద్భుతంగా తీర్చిదిద్దాడని ట్రైలర్ చూస్తే అర్ధమవుతుంది. ఎన్టీఆర్ కొత్త బాడీ లాంగ్వేజ్.. సమంత హాట్ లుక్స్.. నిత్యా మీనన్ హోమ్లీ లుక్.. మోహన్ లాల్ ఇంటెన్స్ లుక్.. అన్నీ అదరిపోయాయ్. వీటికి తోడుగా దేవిశ్రీ ప్రసాద్ బ్యాగ్రౌండ్ స్కోర్.. తిరు సినిమాటోగ్రాఫీ.. అదరగొట్టేశాయి. బడ్జెట్ బీభత్సంగా పెట్టారని ట్రైలర్ చూస్తేనే అర్దమైపోతోంది.

ఇప్పటివరకు కమర్షియల్ సినిమాలంటే కాజ్ లేకుండా ఏదో ఫైట్ల మీద ఫైట్లు పెట్టేయడం అన్నట్లుండేది. కాని కొరటాల శివ ఆ చరిత్ర తిరగరాస్తున్నాడు. శ్రీమంతుడు తరువాత మరోసారి సోషల్ కాన్షియస్ గా ఈ సినిమా తీస్తున్నాడంటే.. ఎందుకో ట్రైలర్ చూడగానే హిట్టు కళ కనిపించట్లేదూ? ఎన్టీఆర్ ఖాతాలో రాసుకోండి ఒకటి!!