ఖుషీని ఎవ‌రైనా ఏమైనా అంటే..! జాన్వీ హెచ్చ‌రిక‌!!

సామాజిక మాధ్య‌మాల్లో ట్రోలింగ్ క‌ల్చ‌ర్ గురించి తెలిసిందే. స్టార్ల‌ను అవ‌మానిస్తూ లేదా బూతు ప‌ద‌జాలంతో కించ‌ప‌ర‌చ‌డం ఈ వేదిక‌ల‌పై నిరంత‌రం చూస్తున్నాం. అయితే త‌న సోద‌రిని ఎవ‌రైనా ట్రోల్ చేస్తే వారిని చిత్తు చేస్తాన‌ని అంటోంది జాన్వీ క‌పూర్. జాన్వీ-ఖుషీ సిస్ట‌ర్స్ అనుబంధం గురించి ఎంత చెప్పినా త‌క్కువే. అక్కా చెల్లెళ్లు ఎంతో అన్యోన్య‌త‌తో అభిమానుల్లో నిరంత‌రం హాట్ టాపిక్ గా మారుతుంటారు.

తాజా ఇంటర్వ్యూలో తన సోదరి ఖుషీ కపూర్ గురించి జాన్వీ మాట్లాడింది. జోయా అక్తర్ 'ది ఆర్చీస్' చిత్రంతో ఖుషీ క‌థానాయిక‌గా బాలీవుడ్ లో అడుగుపెడుతోంది. ఈ మూవీ కోసం ఖుషీ ఎంత‌గా శ్ర‌మిస్తోందో కూడా జాన్వీ చెప్పింది. ''నేను ప్ర‌త్య‌క్షంగా చూశాను...ఆమె (ఖుషీ) పనిని... నిజంగా చాలా కష్టపడింది...త‌ను దీన్ని చాలా సీరియ‌స్ గా కోరుకుంది. నేను త‌న విష‌యంలో చాలా సంతోషంగా ఉన్నాను'' అని తెలిపింది. ఖుషీ పై తాను ఎలాంటి ట్రోలింగ్ ను చేయనని.. ఎవరైనా త‌న‌ గురించి ఏదైనా చెడుగా మాట్లాడితే.. నేను వారిని చిత్తు చేస్తాను!! అని కూడా జాన్వీ హెచ్చ‌రించింది.

'ది ఆర్చీస్' లైవ్-యాక్షన్ మ్యూజికల్ సిరీస్ సూపర్ స్టార్ అమితాబ్ బ‌చ్చ‌న్ మనవడు అగస్త్య నందా కూడా ఈ సిరీస్ తో తెరంగేట్రం చేస్తున్నాడు. షారూక్ వార‌సురాలు సుహానా ఖాన్ కి ఇది డెబ్యూ మూవీ.
1960ల నాటి ఆర్చీ కామిక్స్ కి ఇండియ‌న్ వెర్ష‌న్ ఇది. నేటిత‌రానికి క‌నెక్టివిటీతో ఉంటుంది. సూపర్ 30 ఫేమ్ మిహిర్ అహుజా- డాట్- యువరాజ్ మెండా - వేదంగ్ రైనా త‌దిత‌రులు ఈ చిత్రంలో న‌టిస్తున్నారు.

న‌ట‌వార‌సులు మెప్పిస్తారా?

బాలీవుడ్ లో న‌ట‌వార‌సులు ఒక‌రి వెంట ఒక‌రిగా న‌ట‌రంగంలో ప్ర‌వేశిస్తున్నారు. ఈ ఏడాది ఏకంగా అర‌డ‌జ‌ను మంది న‌ట‌వార‌సులు బ‌రిలోకొస్తున్నారు. ఇందులో గ‌ల్లీ బోయ్స్ ఫేం జోయా అక్త‌ర్ తెర‌కెక్కిస్తున్న సినిమాతోనే న‌లుగురు డెబ్యూలు బ‌రిలోకొస్తున్నారు. అందులో కింగ్ ఖాన్ షారూక్ కుమార్తె సుహానా ఖాన్ తో పాటు అతిలోక సుంద‌రి శ్రీ‌దేవి రెండో కుమార్తె జాన్వీ క‌పూర్.. అమితాబ్ ఫ్యామిలీ ఉంచి అగ‌స్త్య నందా కూడా బ‌రిలో దిగుతున్నారు.

ఇది ఒక రీమేక్ సినిమా. అయినా బోలెడంత క్రేజ్ నెల‌కొంది.

డెబ్యూల‌తో తెర‌కెక్కుతున్న‌ 'ది ఆర్చీస్' ఫస్ట్ లుక్ ను ఇటీవ‌ల‌ జోయా అక్తర్ ఆవిష్కరించారు. నెట్‌ఫ్లిక్స్ - టైగర్ బేబీ తమ త‌దుప‌రి ప్రాజెక్ట్ -ది ఆర్చీస్' తారాగణాన్ని ఇదివ‌ర‌కూ ప్రకటించారు. 1960ల నాటి క్లాసిక్ ఈ మ్యూజిక‌ల్ డ్రామాగా తెర‌కెక్కుతున్న ఈ చిత్రానికి జోయా అక్తర్ దర్శకత్వం అస్సెట్ కానుంది. ఎగ్జ‌యిట్ మెంట్ పెంచే టెక్నీషియ‌న్ల‌ బృందంతో ఈ మూవీ తెర‌కెక్కుతోంది. ఈ చిత్రంలో మిహిర్ అహుజా- డాట్- ఖుషీ కపూర్- సుహానా ఖాన్- యువరాజ్ మెండా- అగస్త్య నందా - వేదంగ్ రైనా కీలక పాత్రల్లో కనిపించనున్నారు. ఏడుగురు యువ నటులు అత్యంత ప్రజాదరణ పొందిన ఆర్చీ కామిక్స్ లోని అద్భుత‌మైన పాత్రలను పోషిస్తున్నారు. అంకుర్ తివారీ -ద్వీపవాసు సార‌థ్యంలో నటీనటులు స‌హా ఆకట్టుకునే మ్యూజిక్ ట్రాక్ ల‌తో ప్రకటన వెలువ‌రించారు.

ది ఆర్చీస్ ఫస్ట్ లుక్ పై కొన్ని విమ‌ర్శ‌లొచ్చినా కానీ పోస్ట‌ర్ లో సుహానా - ఖుషీ ఎంతో ఆక‌ర్ష‌ణీయ‌మైన రూపంతో ఆక‌ట్టుకుంటున్నారు. ది ఆర్చీస్ ఐకానిక్ గ్యాంగ్ నేటి యువ‌త‌కు క‌నెక్ట‌వుతుంద‌నే ఆశిస్తున్నారు. అరవైల నాటి కాల‌మానంలో యువతరం శక్తి .. ఆశలు .. ఉత్సాహానికి సరిగ్గా సరిపోయే క‌థాంశ‌మిది. యవ్వనం- తిరుగుబాటు-స్నేహాలు- తొలి ప్రేమలు స‌హా యువకుల జీవితాల‌తో ముడిప‌డిన సంగీత అనుభవం తెర‌పై చూపిస్తున్నారు. ఇది ఇప్పటికీ ప్రతి తరానికి ఏదో ఒక క‌నెక్ష‌న్ ని క‌లిగి ఉంది. నేటిత‌రం ప్ర‌తిభ‌ను పెద్ద తెర‌పై చూసేందుకు ఎగ్జ‌యిటింగ్ గా ఉన్నానంటూ జోయా వ్యాఖ్యానించారు.

కింగ్ ఖాన్ షారూక్ - గౌరీఖాన్ జంట త‌మ వార‌సురాలు సుహానా డెబ్యూ ఎలా ఉంటుందో చూడాల‌ని ఎంతో ఆస‌క్తిగా ఉన్నారు. ఖాన్ అభిమానుల్లో ఉత్కంఠ నెల‌కొంది. అలాగే శ్రీ‌దేవి రెండో కుమార్తె ఖుషీ క‌పూర్ న‌ట‌న అభిన‌యం మామ్ ని త‌ల‌పిస్తుందా? అంటూ అటు బోనీక‌పూర్ స‌హా క‌పూర్ కుటుంబం ఎగ్జ‌యిటింగ్ గా వేచి చూస్తుంటే ప్ర‌పంచ‌వ్యాప్తంగా ఉన్న శ్రీ‌దేవి అభిమానులు అంత‌కుమించిన ఎగ్జ‌యిట్ మెంట్ తో వేచి చూస్తున్నారు.