పుష్ప‌రాజ్ ని శ్రీ‌దేవి త‌న‌య అలా అనేసిందేమిటీ?

`పుష్ప` అంటే ప్ల‌వ‌ర్ అనుకుంటివా..ఫైర్! అన్న డైలాగ్ థియేట‌ర్లో ఎలా పేలింతో చెప్పాల్సిన ప‌నిలేదు. టైటిల్ కి ప‌ర్ పెక్ట్ జ‌స్ట్ ఫికేష‌న్ అది. త‌గ్గేదేలే!! అన్న డైలాగ్ తోనే పుష్ప రాజ్ పాత్ర‌ని సుకుమార్ ఎంత ప‌వ‌ర్ ఫుల్ గా డిజైన్ చేసారో అర్థ‌మ‌వుతుంది. పుష్ప‌రాజ్ యాటిట్యూడ్ ప్ర‌వ‌ర్త‌నా విధానం ఎలాంటిదో ఆ డైలాగ్ తోనే ముగింపు వ‌ర‌కూ వినిపిస్తూనే ఉంటుంది. సినిమాకి రివ్యూల ప‌రంగా ప్ర‌తికూలంగా అనిపించినా బాక్సాఫీస్ వ‌ద్ద మాత్రం వ‌సూళ్ల సునామీనే సృష్టించింది. ఉత్త‌రాదిన రిలీజ్ అయిన రెండు రోజుల పాటు జ‌నాలు థియేటర్ వైపు చూసింది లేదు గానీ..అటుపై వ‌చ్చిన మౌత్ టాక్ తో ఒక్క‌సారిగా సినిమా అలా పైకి లేచింది.

ఇప్పుడు ఓటీటీలోకి కూడా అందుబాటులోకి రావ‌డంతో పుష్ప రాజ్ కి బాలీవుడ్ నుంచి మంచి రెస్పాన్స్ వ‌స్తోంది. ప‌లువురు బాలీవుడ్ ప్ర‌ముఖులు ఇప్ప‌టికే ఈ చిత్రాన్ని వీక్షించి బ‌న్నీపైనా కంటెంట్ పైనా ప్ర‌శంస‌లు కురిపించారు. తాజాగా అతిలోక సుంద‌రి శ్రీదేవి స్వీట్ డాట‌ర్ జాన్వీ క‌పూర్ కూడా పుష్ప‌ని పొగ‌డ్త‌ల‌తో ముంచెత్త‌కుండా ఉండ‌లేక‌పోయింది. అంద‌రిక‌న్నా పుష్ప రాజ్ కి ది బెస్ట్ కాంప్లిమెంట్ ఇచ్చేసింది. ఇన్ స్టా వేదిక‌గా జాన్వీ త‌న అభిప్రాయాన్ని తెలిపింది. `పుష్ప` మాస్ గెట‌ప్ ని షేర్ చేస్తూ.. `ది కూలెస్ట్ మేన్ ఇన్ ది వ‌ర‌ల్డ్ ` అని క్యాప్ష‌న్ ఇచ్చింది. మైండ్ బ్లోయింగ్ అని కూడా రాసికొచ్చింది. ఈ పోస్ట్ ఇన్ స్టాలో వైర‌ల్ గా మారింది.

ఐకాన్ స్టార్ ని ఉద్దేశించి ఇప్ప‌టివ‌ర‌కూ ఏ హీరోయిన్ ఈ రేంజ్ లో కామెంట్ చేసింది లేదు. మ‌రి కూలెస్ట్ మ్యాన్ అని పుష్ప‌రాజ్ పాత్ర‌లో కోణాన్ని ఉద్దేశించి ఇలా కామెంట్ చేసింది. పుష్ప‌రాజ్ ఇందులో బీడి తాగుతూ కూల్ గా ఉంటాడు. త‌ను ఎవ‌రి జోలికి పోడు..ఎవ‌రైనా త‌న జోలికి వ‌స్తే ఊరుకోని నైజం. గంధ‌పు దుంగ‌ల వ్యాపారంలోకి దిగిన త‌ర్వాత టెన్ష‌న్లు ఉంటాయి. పుష్ప‌రాజ్ అంత‌కుముందు వ‌ర‌కూ జాన్వీ చెప్పిన‌ట్లు కూల్ గ‌య్ నే క‌దా. తెలివిగా స్కెచ్ లు వేస్తూ రాజ‌కీయం న‌డిపించేవాడిగానూ పుష్ప లో యాంగిల్ ఆక‌ట్టుకుంటుంది. ఎర్ర‌చంద‌నం మాఫియా కు డాన్ అయ్యాడంటే.. శ్రీ‌వ‌ల్లితో ప‌బ్లిగ్గానే రొమాన్స్ చేశాడంటే.. ఆషామాషీ వ్య‌వ‌హార‌మా? అందుకే కూల్ మ్యాన్ అంటూ పుష్ప‌రాజ్ ని జాన్వీ పొగిడేసింద‌న్న‌మాట‌. ఇక‌పోతే తెలుగులో న‌టిస్తే విజ‌య్ దేవ‌ర‌కొండ‌తో పాటు అల్లు అర్జున్ స‌ర‌స‌న కూడా అవ‌కాశం వ‌స్తే మిస్ చేసుకోద‌న‌డానికి ఇది సింబాలిక్ అని భావించాల్సి ఉంటుంది. బ‌న్ని స‌ర‌స‌న జాన్వీ అంటూ ఇంత‌కుముందు క‌థనాలు కూడా వైర‌ల్ అయిన సంగ‌తి విధిత‌మే.