ముద్దు అడిగిన అభిమానికి కుర్ర హీరోయిన్ షాక్

సోషల్ మీడియా డిజిట‌ల్ ఇంట‌రాక్ష‌న్ లో అభిమానుల‌కు మ‌రింత చేరువ అయిపోతున్నారు అందాల క‌థానాయిక‌లు. ఇలాంటి విష‌యాల్లో చాలా స్పీడ్ గా ఉంటుంది జాన్వీ క‌పూర్. శ్రీ‌దేవి న‌ట‌వార‌సురాలిగా బ‌రిలో దిగిన జాన్వీ కెరీర్ మూడు పువ్వులు ఆరు కాయ‌లుగా వ‌ర్ధిల్లుతోంది. ఆ క్ర‌మంలోనే జాన్వీ అంతే ఉత్సాహంగా అభిమానుల‌తో ఇంట‌రాక్ట్ అవుతోంది.

తాజా క్యూ అండ్ ఏ సెష‌న్స్ లో ఒక అభిమాని త‌న‌ని ముద్దు అడిగాడు. మేము ముద్దు పెట్టుకోవచ్చా? అన్న ఆ ప్ర‌శ్న‌కు స‌మాధానంగా జాన్వీ స్పందిస్తూ.. తాను ముసుగు ధరించి ఉన్న‌ ఫోటోను పోస్ట్ చేసి..``లేదు``(కుద‌ర‌దు).. అంటూ చిలిపిగా ఆన్స‌ర్ చేసింది. మ‌హ‌మ్మారీ ఉన్న‌ప్పుడు ముద్దుల‌కు చోటు లేదు! అన్న‌ది జాన్వీ ఆన్స‌ర్. ఈ ప్ర‌శ్న‌తో పాటు ఫ్యాన్స్ నుంచి చాలా ప్ర‌శ్న‌లు ఎదుర‌య్యాయి. అన్నిటికీ ఓపిగ్గా స‌మాధానాలిచ్చింది.

ఒక‌రు డైట్ గురించి ప్ర‌శ్నిస్తే.. చేతిలో ఒక కప్పు ఐస్ క్రీంతో తన ఫోటోను పంచుకోవ‌డ‌మే గాక‌..రోజుకు 4 స్కూప్స్ మాత్ర‌మే అంటూ క్యాప్షన్ ఇచ్చింది. మ‌రొక‌రు తనకు ఇష్టమైన జ్ఞాపకం గురించి అడిగితే.. కొన్ని సంవత్సరాల క్రితం ఫ్రాన్స్ కోసం దక్షిణాన రోడ్ ట్రిప్పింగ్ వెళ్ల‌డం.. అని చెప్పింది.

తన అభిమాన సహనటుడు ఎవరు అని ప్ర‌శ్నిస్తే..గుంజన్ సక్సేనా: ది కార్గిల్ గర్ల్ సహనటుడు పంకజ్ త్రిపాఠిని కౌగిలించుకునే ఫోటోను పంచుకున్నారు. అలాగే ఆందోళ‌న త‌గ్గాలంటే.. అనే వేరొక ప్ర‌శ్న‌కు స‌మాధానంగా.. ఒక దిండును కౌగిలించుకొని విచారకరమైన పాటలు పాడమ‌ని స‌ల‌హా ఇచ్చింది.

జాన్వీ ప్ర‌స్తుతం `గుడ్ లక్ జెర్రీ` షూటింగ్ ను పూర్తి చేశారు. ఈ చిత్రాన్ని ఆనంద్ ఎల్. రాయ్ నిర్మించారు. పంకజ్ మట్టా రచయిత కాగా.. సిద్దార్థ్ సేన్ గుప్తా దర్శకత్వం వహించారు. దోస్తానా 2 లోనూ జాన్వీ న‌టిస్తోంది.