ఫోటోటాక్‌ : వెడ్డింగ్ లుక్ లో జూ.శ్రీదేవి

అతిలోక సుందరి శ్రీదేవి కూతురు జాన్వీ కపూర్‌ హీరోయిన్ గా ఎంట్రీ ఇచ్చి వరుసగా సినిమాలు చేస్తోంది. సక్సెస్‌ ప్లాప్ అనే సంబంధం లేకుండా వరుసగా ఈ అమ్మడు చేస్తున్న సినిమాలు బాక్సాఫీస్ వద్ద సందడి చేస్తూనే ఉన్నాయి. నటిగా తనను తాను నిరూపించుకునేందుకు జాన్వీ కపూర్ చాలా విభిన్నమైన పాత్రల్లో నటిస్తూ తల్లికి తగ్గ కూతురు అనిపించుకునేందుకు తీవ్రంగా ప్రయత్నాలు చేస్తూనే ఉంది.

హీరోయిన్ గా జాన్వీ కపూర్‌ చేస్తున్న ప్రయత్నాలు ఆమె స్థాయిని మరింతగా పెంచుతున్నాయి. ఆమెను నటిగా రాటు తేలేలా చేస్తున్నాయి. ఇదే సమయంలో ఆమె అందం గురించి ఎప్పటికప్పుడు చర్చించుకునేలా సోషల్‌ మీడియాలో ఆమె హాట్‌ ఫోటో షూట్ వైరల్‌ అవుతున్నాయి.

సోషల్‌ మీడియాలో రెగ్యులర్ గా హాట్ ఫోటోలను షేర్‌ చేసే జాన్వీ కపూర్ కాస్త చేంజ్ అన్నట్లుగా ఈ వెడ్డింగ్‌ లుక్ ఫోటోలు షేర్‌ చేసింది.

జాన్వీ కపూర్‌ ఖుష్‌ అనే వెడ్డింగ్ మ్యాగజైన్‌ కు సంబంధించిన కవర్‌ పై మెరిసింది. వెడ్డింగ్‌ కు సంబంధించిన మ్యాగజైన్‌ అవ్వడంతో అదే లుక్ లో ఈ అమ్మడు సందడి చేసింది. హీరోయిన్ గా ఎంత బిజీగా ఉన్నా ఇలాంటి ఫోటో షూట్స్ తో జాన్వీ కపూర్ ఎప్పటికప్పుడు మెరుస్తూనే ఉంది. పైగా ఇలాంటి ఫోటో షూట్స్ తో ఈ అమ్మడు మరింతగా అందంగా కనిపించడం జరుగుతుందని నెటిజన్స్ కామెంట్స్ చేస్తున్నారు.

తమిళంలో నయనతార నటించిన ఒక లేడీ ఓరియంటెడ్‌ సినిమా ను హిందీలో జాన్వీ కపూర్‌ రీమేక్‌ చేస్తోంది. నయనతార చేసిన ఆ పాత్రను చేయడం అంటే చాలా పెద్ద టాస్క్. అయినా కూడా జాన్వీ కపూర్‌ ప్రయత్నించబోతుంది. అది మాత్రమే కాకుండా వెండి తెర.. బుల్లి తెర.. ఓటీటీ ఇలా ప్రతి ఒక్క చోట కూడా ఈ అమ్మడి సందడి కొనసాగుతూనే ఉంది.

తల్లి శ్రీదేవి వారసత్వం అందిపుచ్చుకున్న జాన్వీ కపూర్‌ తండ్రి బడా నిర్మాత అయినా కూడా ఆయన సాయం లేకుండానే ఇండస్ట్రీలో తన సొంత ట్యాలెంట్‌ తో పైకి ఎదుగుతోంది. నటిగా ఆమెకు ఆఫర్‌ రావడం కు కుటుంబం హెల్ప్‌ అయినా కూడా ఆమె స్టార్‌ గా మారడం మాత్రం సొంత కష్టం తోనే అనడంలో సందేహం లేదు. ముందు ముందు జాన్వీ కపూర్ సౌత్‌ లో పలు సినిమాల్లో నటించాలని ఇక్కడి అభిమానులు కోరుకుంటున్నారు.