ఫోటో స్టోరి: ఒలింపిక్ అథ్లెట్ లా జాన్వీ లుక్కు కిక్కు

బాలీవుడ్ యువ‌నాయిక‌ల్లో అత్యంత వేగంగా స్టార్ డ‌మ్ అందుకుంటున్న క‌థానాయిక‌గా జాన్వీ కపూర్ పేరు మార్మోగుతోంది. బ్యాక్ టు బ్యాక్ క్రేజీ సినిమాల్లో న‌టిస్తూ న‌టిగా ప‌రిణ‌తిని సాధిస్తున్న జాన్వీ క‌పూర్ మునుముందు ప‌లు భారీ సినిమాల‌తో అభిమ‌నుల‌ను అల‌రించేందుకు సిద్ధ‌మ‌వుతోంది.

జాన్వీ కపూర్ వినోద పరిశ్రమలో అత్యంత అందమైన ప్ర‌తిభావంత‌మైన‌ నటీమణులలో ఒకరు. ట్రెండీ ఫ్యాషన్ సెన్స్ ఉన్న న‌వ‌నాయిక‌గానూ వెలిగిపోతోంది. ప‌బ్లిక్ లో తలలను తిప్పేలా చేసే స‌త్తా త‌న‌కు ఉంది. ఫ్యాష‌న్ ప్ర‌పంచ‌ అభిమానుల హృదయాలలో ప్రత్యేక స్థానాన్ని సృష్టించింది. న‌టిగానూ తనకంటూ ఒక ప్రత్యేక స్థానాన్ని ఏర్పరచుకుంది.

13 ఆగ‌స్ట్ శ్రీ‌దేవి జ‌యంతి సంద‌ర్భంగా జాన్వీ ఎమోష‌న‌ల్ గా స్పందించారు. ``పుట్టినరోజు శుభాకాంక్షలు ముమ్మా. నేను నిన్ను మిస్ అవుతున్నాను. ప్రతిదీ నీ కోసం.. ఎల్లప్పుడూ.. ప్రతిరోజూ... నేను నిన్ను ప్రేమిస్తున్నాను`` అంటూ తన ఇన్ స్టాగ్రామ్ స్టోరీలలో త్రోబ్యాక్ చిత్రాన్ని పంచుకుంది. నేను నిన్ను మిస్ అవుతున్నాను అంటూ ఎంతో ఎమోష‌న‌ల్ అయ్యింది జాన్వీ.

ఇక ఫిట్నెస్ ఫ్రీక్ గా జాన్వీ డెడికేష‌న్ గురించి తెలిసిన‌దే. జిమ్ -యోగా- డ్యాన్సింగ్ సెష‌న్స్ ని ఎట్టి ప‌రిస్థితిలో స్కిప్ కొట్ట‌ని జాన్వీ తాజాగా జిమ్ నుంచి వ‌స్తూ అథ్లెటైజ‌ర్ లుక్ తో క‌నిపించింది. టాప్ టు బాట‌మ్ స్పోర్ట్ వేర్ లో జాన్వీ ఎంతో ఫిట్ గా క‌నిపిస్తోంది. ఇక ర‌క‌ర‌కాల రంగుల్లో లేయ‌ర్డ్ డిజైన్ తో ఆ లుక్కే కిక్కిస్తోంది. ప్ర‌స్తుతం ఈ ఫోటోగ్రాఫ్ లు అంత‌ర్జాలంలో వైర‌ల్ గా మారాయి.

కెరీర్ మ్యాట‌ర్ కి వ‌స్తే.. 2021 మార్చిలో ఆమె చిత్రం రూహి విడుదలైంది. దీనికి అభిమానుల నుండి మిశ్రమ స్పందన లభించింది. ఈ చిత్రంలో రాజ్ కుమార్ రావు కూడా ప్రధాన పాత్రలో నటించారు. జాన్వీ కపూర్ తన తదుపరి ప్రాజెక్ట్ మిలి కోసం షూటింగ్ ప్రారంభించినట్లు తెలిసింది. ఈ చిత్రం మలయాళ చిత్రం - హెలెన్ కి హిందీ రీమేక్. మ‌ల‌యాళ వెర్ష‌న్ కి చిత్రానికి దర్శకత్వం వహించిన మత్తుకుట్టి జేవియర్ దీనికి దర్శకత్వం వహించనున్నట్లు సమాచారం. హెలెన్ లో అన్నా బెన్ నటించింది. ఆమె నటనకు ప్రశంసలు అందుకుంది. క‌ర‌ణ్ జోహార్ దోస్తానా 2లోనూ జాన్వీ క‌పూర్ న‌టిస్తున్న సంగ‌తి తెలిసిందే.