నెక్ట్స్ ఆలియా నువ్వే అంటూ పొగిడిన అభిమాని

బాలీవుడ్ లో వ‌రుస పాన్ ఇండియా సినిమాల‌తో సంచ‌ల‌నాలు సృష్టిస్తున్న ఆలియా భ‌ట్ తో జాన్వీని పోల్చాడు ఓ వీరాభిమాని.అలియా భట్ కి గొప్ప అభిమాని అయిన అత‌డు జాన్వి కపూర్ ని ఆకాశానికెత్తేయడం ప‌రిశ్ర‌మ‌లో హాట్ టాపిక్ గా మారింది.స‌ద‌రు అభిమాని మాట్లాడుతూ, ..గుంజన్ సక్సేనా తరువాత జాన్వి మరొక స్థాయికి ఎదిగారు.కెరీర్ పరంగా తదుపరి అలియా భట్ అయ్యే అవకాశం ఉంది.. అంటూ వ్యాఖ్యానించాడు. దానికి సమాధానమిస్తూ జాన్వి ``ఇది విన‌డానికి చాలా తీయ‌గా ఉంది. నెయ్యి- చ‌క్కెర క‌లిపిన ల‌డ్డూ తిన్నంత ఆనందంగా ఉందోచ్! అంటూ సంతోషాన్ని వ్య‌క్తం చేసింది.ఎవ‌రైనా ఒక నటి ఇంట్లో ఇరుక్కోవాల్సి వ‌స్తే ఏ నటితో ఇరుక్కోవాలనుకుంటున్నారో అంటూ జాన్వీని ప్ర‌శ్నించాడు ఆ అభిమాని. రెండో ఆలోచ‌నే లేకుండా అలియా ఇంట్లో ఇరుక్కుంటాను అని స‌మాధాన‌మిచ్చారు.

మ‌రోవైపు జాన్వీ ఇన్ స్టాలో షేర్ చేసిన ఓ ఫోటో అంత‌ర్జాలంలో వైర‌ల్ గా మారింది. సుదూర తీరంలో ఒక కొండ ప‌రిస‌రంలో బాత్ ట‌బ్ లో నిలుచుని లేజీగా ఫోజులిచ్చింది జాన్వీ. హెవీ వెయిట్ లేస్డ్ టీష‌ర్ట్ ను ధ‌రించిన జాన్వీ బాట‌మ్ లో ఆ థైషోస్ తో యూత్ ని ఆక‌ర్షించింది. ఇది ఆన్ లొకేష‌న్ షూటింగ్ స్పాట్ నుంచి ఫోటో అని అర్థ‌మ‌వుతోంది.

జాన్వీ న‌టించిన‌ తాజా హర్రర్-కామెడీ రూహి అఫ్జానా థియేట‌ర్ల‌లో రిలీజైన సంగ‌తి తెలిసిందే. తొలిరోజు ఈ చిత్రం బాక్సాఫీస్ వ‌ద్ద చ‌క్క‌ని వసూళ్లు తెచ్చిన‌ట్లు తెలిసింది. తొలి మూడు రోజుల‌కు 10కోట్లు వ‌సూలు చేసింది. గత సంవత్సరం దేశవ్యాప్తంగా కరోనావైరస్ మ‌హ‌మ్మారీ లాక్ డౌన్ తో థియేటర్లను మూసివేశాక ఇది హిందీ చిత్రానికి అతిపెద్ద ఓపెనింగ్.. ఈ చిత్రానికి హార్దిక్ మెహతా దర్శకత్వం వహించారు. దోస్తానా 2 స‌హా గుడ్ ల‌క్ జెర్రీ చిత్రంలోనూ జాన్వీ న‌టిస్తోంది.