జాన్వీ క‌పూర్ థై స్లిట్ గౌన్ అద‌ర‌హో

అతిలోక సుంద‌రి శ్రీదేవి న‌ట‌వార‌సురాలిగా బాలీవుడ్ లో అడుగు పెట్టిన జాన్వీ క‌పూర్ బిజీ హీరోయిన్ గా ఎదుగుతోన్న సంగ‌తి తెలిసిందే. ఇండ‌స్ట్రీ డీన్ క‌ర‌ణ్ జోహార్ ప్రోత్సాహంతో జాన్వీ కెరీర్ మూడు పువ్వులు.. ఆరు కాయ‌లుగా సాగిపోతోంది. ప్ర‌స్తుతం సినిమాల‌న్నీ క‌ర‌ణ్ బ్యాన‌ర్లోనే చేస్తూ బిజీగా ఉంది. ఇటు ద‌క్షిణాది చిత్రాల్లోనూ న‌టించాల‌ని జాన్వీ ఉవ్విళ్లూరుతుంది. స‌రైన అవ‌కాశం కోసం ఎదురుచూస్తోంది. ఇప్ప‌టికే టాలీవుడ్ ఎంట్రీ పై కూడా క‌థ‌నాలొచ్చాయి. కానీ ఇంకా ఆ అరుదైన తీపి క్ష‌ణాలు ఇంకా రాలేదు. త‌ల్లి శ్రీదేవి లానే తెలుగులోనూ త‌నదైన‌ మార్క్ వేయాల‌ని జాన్వీ ఆలోచన చేస్తోంది.

ఆ విష‌యాలన్నీ ప‌క్క‌న‌బెడితే జాన్వీ ఫ్యాష‌నిష్టాగా ట్రెండ్ ని ఫాలో అవ్వ‌డంలో చాలా అడ్వాన్స్ డ్ గా ఉంటుందన్న సంగ‌తి చెప్పాల్సిన ప‌నిలేదు. ఎప్ప‌టిక‌ప్పుడు అప్ డేట్ అవుతూ జాన్వీ క‌పూర్ ఓ స్పెష‌ల్ అని త‌నదైన ఫ్యాష‌న్ సెన్స్ తో చెబుతూనే ఉంటుంది. హాట్ హాట్ ఫోటోలు...డిజైన్ వేర్స్ లో జాన్వీ ఎప్ప‌టిక‌ప్పుడు హీటెక్కిస్తూనే ఉంటుంది. జిమ్ములో క‌స‌ర‌త్తులు చేస్తూ స్కిన్ టైట్ దుస్తుల్లో ఇప్ప‌టికే చాలా సార్లు మ‌త్తెక్కించింది. తాజాగా ముంబై ఎయిర్ పోర్టు నుంచి జాన్వీ కొత్త ఫోటోలు లీక్ అయ్యాయి.

న్యూ ట్రెండీ ఫ్రాక్ లో మరోసారి జాన్వీ ఔరా అనిపించింది. లేత గులాబీ రంగు గౌను లో జాన్వీ చూప‌రుల‌ను ఆక‌ట్టుకుంది. ఇక థై స్లిట్ ఎలివేష‌న్ తో జాన్వీ అంద‌చందాలు మ‌రింత‌గా మురిపించాయి. అలాగే ముక్కును క‌వ‌ర్ చేస్తే మ్యాచింగ్ మాస్క్ ధ‌రించింది. జాన్వీ ఎయిర్ పోర్టులో హ‌ల్చ‌ల్ చేస్తోన్న స్టిల్స్ ఇప్పుడు సోష‌ల్ మీడియాని ఊపేస్తున్నాయి. ప్ర‌స్తుతం జాన్వీ బాలీవుడ్ లో మూడు- నాలుగు సినిమాల‌తో బిజీగా ఉంది. అందులో రెండు చిత్రాలు క‌ర‌ణ్ జోహార్ బ్యాన‌ర్ ధ‌ర్మ ప్రొడ‌క్ష‌న్స్ లోనే చేస్తోంది.

ఇటీవ‌లి కాలంలో జాన్వీ ఫోటోషూట్లు తనలోని బోల్డ్ యాంగిల్ ని ఆవిష్క‌రించాయి. కెరీర్ మ్యాట‌ర్ కి వ‌స్తే.. జాన్వి న‌టించిన `దోస్తానా 2` చిత్రం సెట్స్ పై ఉంది. కార్తీక్ ఆర్యన్ ఈ చిత్రం నుండి నిష్క్రమించినట్లు ధ‌ర్మ సంస్థ‌ ప్రకటించడంతో దోస్తానా 2 హెడ్ లైన్స్ లోకి వ‌చ్చింది. కార్తీక్ స్థానంలో మ‌రో యువ‌న‌టుడికి క‌రణ్ అవ‌కాశం ఇచ్చారు. త‌దుప‌రి జాన్వీ మ‌రిన్ని భారీ చిత్రాల్లో నటించ‌నుంది.

సిస్ట‌ర్ బాధ్య‌త కూడా..! ఓవైపు వ‌రుస సినిమాల‌తో బిజీగా ఉన్నా జాన్వీ క‌పూర్ త‌న సోద‌రి ఖుషీ క‌పూర్ సినీఎంట్రీకి అవ‌స‌ర‌మైన శిక్ష‌ణ‌ను ఇస్తూ మార్గ‌నిర్ధేశ‌నం చేస్తోంద‌ని స‌మాచారం. ఖుషీ క‌పూర్ ఎంట్రీ మూవీ కోసం క‌ర‌ణ్ - బోనీక‌పూర్ బృందం సీరియ‌స్ గా ప్ర‌ణాళిక‌ల్లో ఉన్నారు. జాన్వీ ఈలోగానే న‌ట‌న‌లో త‌న సోద‌రికి మెళ‌కువ‌లు నేర్పిస్తోంద‌ట‌. ఖుషీ ఇంత‌కుముందు న్యూయార్క్ ఫిలింఅకాడెమీ లో శిక్ష‌ణ తీసుకుంది. ఇప్ప‌టికే సోష‌ల్ మీడియాల్లో దుమారం రేపుతున్న సంగ‌తి తెలిసిన‌దే.