క‌పూర్ వెడ్డింగ్ లో మెరుపు తీగ జాన్వీ ఛ‌మ‌క్కు

పెళ్లిలో అందాల జాన్వీ క‌పూర్ మెరుపుతీగ‌ను త‌ల‌పించింది. ఆకాశం నుంచి తార ఒక‌టి నేల‌కు దిగివ‌చ్చిన చందంగా త‌ళ‌త‌ళా మెరిసిపోయింది క‌పూర్ డాట‌ర్. అనిల్ కపూర్ జుహు బంగ్లా శనివారం అంగ‌రంగ వైభ‌వ‌మైన వెడ్డింగ్ కి వేదిక అయ్యింది.

రియా కపూర్ -కరణ్ బూలాని వివాహ వేదిక వ‌ద్ద తార‌ల త‌ళుకుబెళుకులు ప్రధానంగా హైలైట్ అయ్యాయి. ఇక ఈ వేదిక‌కే జాన్వీ కపూర్ షో స్టాప‌ర్ గా నిలిచింది. సోద‌రి రియా కపూర్ వివాహ అతిథి-జాబితా చాలా పెద్ద‌దే. ఈ వివాహానికి మనీష్ మల్హోత్రా పండుగ దుస్తుల్లో పూల‌రంగ‌డిలా వ‌చ్చారు. అనిల్ కపూర్ జుహు బంగ్లా శనివారం బ్యాండు మేళంతో అతిథుల రాక‌తో సంద‌డిగా మారింది. అనిల్ కపూర్ ఇంటికి రాకముందే జాన్వీ ఇన్ స్టాగ్రామ్ లో తన లుక్ కి సంబంధించిన డీటెయిలింగ్ ని ఇచ్చింది.

జాన్వీ త‌ళ‌త‌ళా మెరుస్తున్న క్రిస్ట‌లిన్ లెహెంగా ధ‌రించి మెరుపుతీగ‌లా వేదిక వ‌ద్ద‌కు వ‌చ్చింది. ఇక ఈ వేడుక‌లో కపూర్ కుటుంబ సభ్యులు మహీప్ కపూర్.. సంజయ్ కపూర్ .. జహాన్.. మహీప్ కుమార్తె షానయా కపూర్ త‌దిత‌రులు విచ్చేశారు.

ఈ వేదిక వ‌ద్ద జాన్వి సోదరి ఖుషీ కపూర్ షనయతో క‌లిసి సంద‌డి చేసింది. జాన్వీ మ‌రో సోద‌రి.. అర్జున్ సొంత సిస్ట‌ర్ అన్షులా కపూర్ ఎరుపు రంగు దుస్తుల్లో క‌నిపించింది. సోదరుడు అర్జున్ కపూర్ కజిన్ రియా వివాహంలో బిజీగా కనిపించాడు. నిర్మాత బోనీ కపూర్.. తెల్లటి దుస్తులు ధరించి పండ‌గ‌లా వచ్చారు. అనిల్ కపూర్ సోదరి రీనా కపూర్ తన భర్త సందీప్ మార్వాహ్ తో వచ్చారు. రీనా కపూర్ కుమారుడు మోహిత్ మార్వా కూడా వేదిక వద్ద కనిపించింది. నిర్మల్ కపూర్.. రియా కపూర్ అమ్మమ్మ కూడా వేడుకలకు హాజరయ్యారు.