ఫోటో స్టోరి: విర‌హాగ్నిలో జ్వ‌లిస్తున్న న‌ట‌వార‌సురాలు!

విర‌హంతో వీగిపోతోంది. గుండె ల‌య త‌ప్పేట్టు అగ్నిని జ్వలిస్తోంది. అంత‌గా హొయ‌లు పోతున్న ఈ బ్యూటీ ఎవ‌రో ప్ర‌త్యేకించి ప‌రిచ‌యం చేయాల్సిన అవ‌సరం లేదు. జూనియ‌ర్ అతిలోక సుంద‌రి జాన్వీ గురించే ఇదంతా.

అనునిత్యం గ‌డియ‌గ‌డియ కో ఫోటోషూట్ తో స‌ద‌రు న‌ట‌వార‌సురాలు మ‌తులు చెద‌రగొడుతోంది. క‌పూర్ వంశంలో ఎదురే లేని మేటి ఫ్యాష‌నిస్టాగా జాన్వీ రికార్డులు బ్రేక్ చేస్తోంది. నేటిత‌రంలో అలుప‌న్న‌దే లేకుండా కెరీర్ కోసం శ్ర‌మిస్తున్న ఈ బ్యూటీ సోష‌ల్ మీడియాల్లోనూ అసాధార‌ణ ఫాలోయింగ్ సంపాదిస్తోంది.

జాన్వీ తాజా ఫోటోషూట్ లో మెర్మ‌యిడ్ లుక్ లో హీట్ పెంచింది. మిరుమిట్లు మెరుపుల డిజైన‌ర్ ఫ్రాక్ లో అందాలు ఆర‌బోసింద‌నే చెప్పాలి. ప్ర‌స్తుతం ఈ ఫోటోగ్రాఫ్ అంత‌ర్జాలంలో వైర‌ల్ గా దూసుకెళుతోంది. క్లిక్ లు లైక్ ల‌తో హోరెత్తుతోంది.

తాజా చిత్రం `మిస్టర్ అండ్ మిసెస్ మహి` లో జాన్వీ క్రికెట‌ర్ గా న‌టిస్తోంది. ఇందు కోసం దినేష్ కార్తీక్ సార‌థ్యంలో క్రికెట్ క్యాంప్ లో శిక్షణ పొందిన సంగ‌తి తెలిసిన‌దే. ఈ చిత్రం క్రికెట్ డ్రామా నేప‌థ్యంలో తెర‌కెక్కుతోంది. మిస్టర్ అండ్ మిసెస్ మహిలో జాన్వీ - రాజ్ కుమార్ వరుసగా మహేంద్ర -మహిమ అనే పాత్రలను పోషించనున్నారు. శరణ్ శర్మతో జాన్వీకి ఇది రెండో ప్రాజెక్ట్. జాన్వీ కపూర్ టైటిల్ రోల్ లో నటించిన 2020 చిత్రం `గుంజన్ సక్సేనా: ది కార్గిల్ గర్ల్` శ‌ర‌ణ్ కి దర్శకుడిగా రెండో సినిమా. భారతదేశంలో క్రికెట్ కు విపరీతమైన ఆదరణ ఉన్నందున ఈ చిత్రం బాక్సాఫీస్ వద్ద ఎలా ఆడుతుందో చూడాల‌న్న‌ ఆసక్తిని పెంచుతోంది.

జాన్వీ న‌టించిన దోస్తానా 2 .. గుడ్ ల‌క్ జెర్రీ పైనా ఎంతో ఆస‌క్తి నెల‌కొంది. ఆమె చేతిలో మిల్లీ అనే మ‌రో క్రేజీ సినిమా కూడా ఉంది.. ఒక నటిగా అండర్-ఎక్స్‌పోజ్డ్ ఫీలింగ్ గురించి కపూర్ గాళ్ థ్రిల్లింగ్ గా ఉన్నాన‌ని తెలిపింది. మిల్లీలో ఆమె తన తండ్రి నిర్మాత బోనీ కపూర్ తో కలిసి పని చేయడం ఆస‌క్తిక‌రం.