ఫోటో టాక్ : చెలిక‌త్తెల మ‌ధ్య‌లో రాణివారు కిల‌కిల‌లు!

అతిలోక సుందరి శ్రీదేవి ముద్దుల తనయ జాన్వీ కపూర్ ఓవైపు కెరీర్ పరంగా బిజీగా ఉన్నా వరుస వెకేషన్లతో రిలాక్స్ మోడ్ లోకి వెళ్లిపోతోంది. జాన్వీ నిరంతర ఫోటోషూట్ల గురించి తెలిసిందే. అల్ట్రా మోడ్రన్ ఫ్యాషనిస్టాగా ఇప్పటికే యూత్ కి కనెక్టయిపోయిన జాన్వీ చాలా రేర్ గానే ట్రెడీషనల్ లుక్స్ లో కనిపిస్తుంది. జిమ్ కి వెళ్లినా..యోగా సెంటర్లో ఉన్నా! టెంప్టింగ్ ఫోటోషూట్లకు కొదవేమీ ఉండదు. యువనటి భంగిమలకు కుర్రాళ్ల గుండెల్లో మంటలు చెలరేగాల్సిందే. ఇన్ స్టా వేదికగా ఆ ఫోటోలు అంతే వైరల్ గా మారుతున్నాయి. ఇది జాన్వాలో ఒక యాంగిల్ మాత్ర‌మే.

మ‌రో యాంగిల్ లో జాన్వీ ప‌ద‌హార‌ణాల అమ్మాయిలా ముస్తాబైతే ఎంత అదంగా క‌నిపిస్తుందో చెప్పాల్సిన ప‌నిలేదు. అప్పుడ‌ప్పుడు యువ‌రాణి గెట‌ప్ప్ లో సైతం త‌ళుక్కున మెర‌వ‌డం జాన్వీ ప్ర‌త్యేక‌త‌. తాజాగా జాన్వీ యువ‌రాణి ఆహార్యం లో ఓ ఫోటో ఇప్పుడు నెట్టింట వైర‌ల్ గా మారియింది. చెలిక‌త్తెల మ‌ధ్య‌లో కిల‌కిలా న‌వ్వుతూ జాన్వీ ఎంతో అందంగా..ఆక‌ర్ష‌ణీయంగా క‌నిపిస్తుంది. ఓ క‌వ‌ర్ పేజీ కోసం జాన్వీ ఇలా అందంగా ముస్తాబై కెమెరాకి ఫోజులిచ్చింది.

ఈ ఫోటో సెష‌న్ కోసం ఏకంగా పురాత‌న సెట్ నే డిజైన్ చేసిన‌ట్లు క‌న‌పిస్తుంది. చెలిక‌త్తెల క‌ట్టుబొట్టు ఆహార్యం అద్భుతంగా ఉన్నాయి. మ‌ధ్య‌లో యువ‌రాణి డిజైన‌ర్ దుస్తులు ధ‌రించి చెలిక‌త్తెలుతో క‌బుర్లు చెబుతూ..న‌వ్వులు పూయిస్తూ కాల‌క్షేపం చేస్తున్నారు. ప్ర‌స్తుతం ఈ ఫోటో నెట్టింట వైర‌ల్ గా మారింది. నెటి జ‌నులు జాన్వీ అందాన్ని ఆకాశానికి ఎత్తేస్తూ కామెంట్లు పోస్ట్ చేస్తున్నారు.

ఇక జాన్వీ సినిమాల విషయానికి వస్తే ప్రస్తుతం కరణ్ జోహార్ బ్యానర్లో `దోస్తానా-2` లో నటిస్తోంది. అదే బ్యానర్ లో మరో రెండు చిత్రాలు కమిట్ అయింది. అలాగే అమ్మడు నటించిన `గుడ్ లక్ జెర్రీ` సినిమా షూటింగ్ పూర్తిచేసుకుని రిలీజ్ కి రెడీగా ఉంది.
`మిలీ` అనే మరో చిత్రంలో కూడా నటిస్తుంది.

ఇక దక్షిణాదిన ఎంట్రీ ఇవ్వడానికి జాన్వీ ఆసక్తిగానే ఉంది. సరైన ప్రాజెక్ట్ కోసం ఎదురుచూస్తుంది. ఆ ఛాన్స్ వస్తే వదులుకోవడానికి ఎంత మాత్రం సిద్దంగా లేదు. తల్లి తరహాలోనే అన్ని భాషల్లోనూ సినిమాలు చేయాలని ప్రణాళికతో ముందుకు వెళ్తోంది. ఈ విష‌యంలో తండ్రీ బోనీక‌పూర్ వెనుకుండి ప్రోత్స‌హిస్తున్నారు.