టాలీవుడ్ ఎంట్రీ కోసం ఇలా క‌వ్విస్తోందా?

జాన్వీ కపూర్ టాలీవుడ్ ఎంట్రీ గురించి చాలా కాలంగా చ‌ర్చ సాగుతోంది. అతిలోక సుంద‌రి శ్రీ‌దేవి న‌ట‌వార‌సురాలిని తెలుగు తెర‌కు ప‌రిచ‌యం చేసేందుకు ఇక్కడి మేకర్స్ ఫుల్ అత్యుత్సాహంతో ఉన్నారు. స్టార్ హీరోలతో ప్రాజెక్ట్ అన‌గానే ముందుగా జాన్వీ కపూర్ పేరును హీరోయిన్ గా పరిశీలిస్తున్నారు.

ఈ ప్ర‌య‌త్నాలు ఇదే మొద‌టి సారి కాదు. విజయ్ దేవరకొండ సరసన లైగ‌ర్ చిత్రంతో జాన్వీ ప‌రిచ‌యం కావాల్సి ఉన్నా అది కుద‌ర‌లేదు. ఆ స్థానంలో అన‌న్య పాండే తెలుగు తెర‌కు ప‌రిచ‌యం అవుతోంది. అంత‌కుముందే మహేష్ బాబు .. చరణ్ .. బ‌న్ని లాంటి స్టార్ల స‌ర‌స‌న‌ జాన్వీ కపూర్ నటించనున్నారని గతంలో వార్తలు వచ్చాయి. ఇప్ప‌టికీ అభిమానులు శ్రీదేవి కూతురు తెలుగులో రంగ ప్ర‌వేశానికి రెడీ అవుతోంద‌ని ఆశిస్తున్నారు. అయితే ఆ వార్తలన్నీ ప్రచారంగానే మిగిలిపోయాయి. ఫేక్ వార్త‌ల‌తో అభిమానుల ఆశలన్నీ అడియాసలయ్యాయి.

ఇంత‌లోనే ఎన్టీఆర్ -కొర‌టాల‌ కాంబినేషన్ మూవీతో జాన్వీ కపూర్ పేరు మళ్లీ తెరపైకి వచ్చింది. `భరత్ అనే నేను` సినిమాతో కియారాను టాలీవుడ్‌కి పరిచయం చేసిన కొర‌టాల జాన్వీ కోసం ప‌దే ప‌దే ప్ర‌య‌త్నిస్తున్నార‌ని టాక్ వినిపిస్తోంది. మంచి కథ.. పాత్ర దొరికితే తెలుగు సినిమాలు చేసేందుకు జాన్వీ సిద్ధమని బోనీ కపూర్ కొంతకాలంగా చెబుతున్నారు. తనకు తెలుగు సినిమాలంటే చాలా ఇష్టమని జాన్వీ చెబుతోంది. కానీ తెలుగులో ఒక్క ప్రాజెక్ట్ కూడా ఓకే కావడం లేదు. మరి ఈ సారి ఆమె ఓకే చెబుతుందా లేదా? అన్న‌ది ఇప్ప‌టికీ స‌స్పెన్స్ గా మారింది. జాన్వీ ఏదో ఒక తెలుగు సినిమాని అధికారికంగా అంగీకరించే వరకు రూమర్లు త‌న‌ను వదలవు. ఎన్టీఆర్ క‌థానాయ‌కుడిగా కొర‌టాల ద‌ర్శ‌క‌త్వంలో కళ్యాణ్ రామ్ - మిక్కిలినేని సుధాకర్ నిర్మిస్తున్న మూవీ త్వరలో సెట్స్ పైకి వెళ్లనుంది.

మ‌రోవైపు జాన్వీ క‌పూర్ వ‌రుస ఫోటోషూట్ల దుమారం గురించి తెలిసిందే. ఈ సిరీస్ లో నెవ్వ‌ర్ బిఫోర్ అనిపించేలా హాటెస్ట్ ఫోటోని జాన్వీ షేర్ చేయ‌గా అది వైర‌ల్ గా మారింది. వ‌రుస ఫ‌టోషూట్ల‌తో వేడెక్కించే లుక్ తో క‌వ్విస్తున్న జాన్వీ పై ర‌క‌ర‌కాల కామెంట్లు వినిపిస్తున్నాయి. టాలీవుడ్ ఎంట్రీ కోసం ఇలా క‌వ్విస్తోందా? అంటూ కూడా గుసగుస‌లు వైర‌ల్ అవుతున్నాయి.