నైట్ పార్టీలో జాన్వీతో ఆ అంద‌గాడు ఎవ‌రు?

అతిలోక సుంద‌ర‌ని శ్రీ‌దేవి న‌ట‌వార‌సురాలిగా సినిమాల్లోకి ఎంట్రీ ఇచ్చింది జాన్వీ క‌పూర్‌. త‌ల్లి శ్రీ‌దేవి త‌ర‌హాలోనే జాన్వీ నాటీగా అల్ల‌రితో ఆక‌ట్టుకుంటోంది. వెండితెర‌పై శ్రీ‌దేవి త‌న‌దైన మార్కు న‌ట‌న‌తో పాత్ర‌ల‌తో అల్ల‌రి చేస్తే జాన్వీ మాత్రం నైట్ పార్టీల‌తో ప‌బ్బుల్లో ఎంజాయ్ చేస్తూ హంగామా చేస్తోంది. క‌ర‌ణ్ జోహార్ నిర్మించిన `ధ‌డ‌క్‌` చిత్రంతో ఎంట్రీ ఇచ్చినా అన‌తి కాలంలోనే త‌న‌దైన మార్కుని చాటుకుంటూ అంద‌రి దృష్టిని ఆక‌ర్షిస్తోంది.

నెట్ ఫ్లిక్స్ కోసం `ఘోస్ట్ స్టోరీస్‌` కార్గిల్ వీర‌నారి స్ఫూర్తిదాయ‌క‌మైన క‌థ‌తో రూపొందిన `గుంజ‌న్ స‌క్సేనా`.. హార‌ర్ కామెడీ నేప‌థ్యంలో రూపొదిన `రూహీ` వంటి చిత్రాల‌తో న‌టిగా మంచి మార్కులు తెచ్చుకుంది. అయితే శ్రీ‌దేవి చ‌రిష్మాని మాత్రం సొంతం చేసుకోలేక‌పోతోంది. ఆ స్థాయిలో ఆక‌ట్టుకునే ప్ర‌య‌త్నం చేయ‌లేక‌పోతోంది. ఇదిలా వుంటే నిత్యం హాట్ హాట్ ఫొటో షూట్ ల‌తో ఇన్ స్టాని హీటెక్కించే జాన్వీ తాజాగా త‌న సోద‌రి ఖుషీ క‌పూర్ తో క‌లిసి ఓ బ‌ర్త్ డే పార్టీలో హ‌ల్ చ‌ల్ చేసింది.

త‌న‌దైన చిలిపి చేష్ట‌ల‌తో అల్ల‌రి అల్ల‌రి చేస్తూ ఆక‌ట్టుకునే ప్ర‌య‌త్నం చేసింది. జాన్వీతో పాటు ఈ ఈ పార్టీలో ఖుషీ క‌పూర్ కూడా పాల్గొంది. పాండ‌మిక్ కి ముందు యాక్టింగ్ కోర్స్ కోసం న్యూయ‌ర్క్ వెళ్లిన ఖుషీ త్వ‌ర‌లోనే హీరోయిన్ గా ఎంట్రీ రెడీ అవుతోంది. అక్క జాన్వీతో క‌లిసి బ‌ర్త్ డే పార్టీలో ఖుషీ కూడా హ‌ల్‌చ‌ల్ చేసింది. అందాల విందు చేస్తూ ఖుషీ కూడా తాను మాత్రం ఏం త‌క్కువ కాద‌ని నిరూపించింది. ఇక్క‌డే ట్విస్ట్.. ఈ ఇద్ద‌రితో క‌లిసి ఓ యువ‌కుడు అల్ల‌రి చేయ‌డం ప‌లువురిని ఆశ్చ‌ర్యానికి గురిచేస్తోంది. జాన్వీని అల్లుకుని స‌ద‌రు యువ‌కుడు రొమాన్స్ చేయ‌డం గ‌మ‌నార్హం. ఇంత‌కీ అంత ఇదిగా ఒడిలో కూచుని అత‌డితో చిలౌట్ అవుతోంది జాన్వీ. ఇంత‌కీ ఎవ‌రా కుర్రాడు? అంటూ ఆరాలు మొద‌ల‌య్యాయి. అయితే హై ప్రొఫైల్స్ లో స్నేహాలు ఏమిటో అర్థం చేసుకోవ‌డం అంత సులువేమీ కాదు. స్నేహితుల‌తో గాళ్స్ సాన్నిహిత్యం ఇక్క‌డ చాలా కామ‌న్..!