రామేశ్వ‌రం వెళ్లినా.. అమెరికా వెళ్లినా నేనింతే!

రామేశ్వ‌రం వెళ్లినా.. రాచ‌కొండకు వెళ్లినా.. అమెరికా వెళ్లినా.. న్యూయార్క్ వెళ్లినా .. కుర్ర‌భామ‌ జాన్వీ క‌పూర్ ఇంతేనా? అసలు మార‌దా? అంటే అవున‌నే ఈ సీన్ చెబుతోంది. డెడికేష‌న్ అంటే జాన్వీ.. జాన్వీ అంటే డెడికేష‌న్ అంటే అతిశ‌యోక్తి కానే కాదు. తాను ఎక్క‌డికి వెళ్లినా ఫిట్ నెస్ రూల్స్ కి ఏమాత్రం భంగం క‌ల‌గ‌కుండా తూ.చ త‌ప్ప‌క పాటిస్తోంది. విదేశాల‌కు జంప్ అయినా అక్క‌డ‌ జిమ్ కి వెళ్లి వ్యాయామం చేస్తోంది.

మామ్ శ్రీ‌దేవి నేర్పింది ఇదేనా? అంటే అవున‌నే చెప్పాలి. ఇటీవ‌లే త‌న సోద‌రి ఖుషీ క‌పూర్ అమెరికా వెళుతుంటే ఎంతో ధీనంగా క‌నిపించిన జాన్వీ ఇలా తీరిక స‌మ‌యం చిక్కిందో లేదో అలా పాపా బోనీక‌పూర్ తో క‌లిసి న్యూయార్క్ లో చెల్లెమ్మ ద‌గ్గ‌ర వాలిపోయింది. త‌న‌తో క‌లిసి దిగిన ఫోటోల‌ను అభిమానుల కోసం సామాజిక మాధ్య‌మాల్లో షేర్ చేసింది. ప్ర‌స్తుతం జాన్వీ-ఖుషీలతో పాటు బోనీ అక్క‌డే ఉన్నారు.

అయితే రామేశ్వ‌రం వెళ్లాం క‌దా అని జిమ్ ని వ‌దిలేసింద‌నుకుంటే పొర‌పాటే. న్యూయార్క్ లో ఉన్నా ఆ ప‌ని మాత్రం ఆగ‌దు! అనేందుకు ఇదిగో ఈ క‌స‌ర‌త్తులే సాక్ష్యం. అక్క‌డ కూడా జాన్వీ క్ర‌మం త‌ప్ప‌క ఎక్స‌ర్ సైజులు చేస్తోంది. ఇదిగో ఇలా పుష్ అప్స్ చేస్తూ శ్వేధం చిందిస్తోంది. కెరీర్ ప‌రంగా చూస్తే.. జాన్వీ వ‌రుస‌గా భారీ సినిమాల‌కు క‌మిటైంది. గుంజ‌న్ స‌క్సేనా- ది కార్గిల్ గ‌ర్ల్.. త‌క్త్.. వంటి భారీ చిత్రాల్లో న‌టిస్తోంది. వీటితో పాటు ఓ హార‌ర్ చిత్రంలోనూ ద్విపాత్రాభిన‌యం చేయ‌నున్న సంగ‌తి తెలిసిందే.