వీడియో:గ్యాంగ్ తో జాన్వీ క‌పూర్ ర‌చ్చ ర‌చ్చ‌ చూశారా?

బాలీవుడ్ లో గుంపులు గుంపులుగా ముఠాలుగా చేరి పార్టీలు ఫంక్ష‌న్లు ర్యాంప్ షోలు అంటూ చేసే హంగామా అంతా ఇంతా కాదు. టాప్ సెల‌బ్రిటీ ఫ్యామిలీ ఫంక్ష‌న్లు ఉన్నా గాళ్స్ గ్యాంగ్స్ అక్క‌డ దిగిపోతారు. ర‌చ్చ ర‌చ్చ చేస్తారు. ఎవ‌రికి వారు త‌మ వ‌న్నె చిన్నెల వ‌య్యారాల్ని ప్ర‌ద‌ర్శిస్తారు. ప‌ది మందినీ ఆక‌ర్షిస్తారు. ఇలాంటి వేదిక‌లు ఆట‌విడుపుకోస‌మే. వృత్తి జీవితంలో ఒత్తిళ్ల నుంచి బ‌య‌ట‌ప‌డేందుకే ఇవ‌న్నీ. ఇక లైఫ్ సెల‌బ్రేష‌న్ ని ఏ ఒక్క‌రోజూ మిస్ చేసుకోవ‌డం అనేది ఈ గ్యాంగ్స్ కి అస్స‌లు కుద‌ర‌నే కుద‌ర‌దు.

మ‌లైకా అరోరా ఖాన్ - క‌రీనా క‌పూర్ ఖాన్ స‌హా సీనియ‌ర్ల గ్యాంగ్ పార్టీల ర‌చ్చ గురించి తెలిసిందే. అలాగే బాలీవుడ్ వైవ్స్ ముఠాలు ఇక్క‌డ బోలెడంత హంగామా క్రియేట్ చేస్తుంటాయి.

కాస్తంత జూనియ‌ర్ లెవ‌ల్ కి వెళితే.. జాన్వి కపూర్- ఖుషీ క‌పూర్ - న‌వ్య న‌వేళి స‌హా క‌పూర్ ఫ్యామిలీ గ్యాంగ్స్ కూడా అప్పుడ‌ప్పుడు రచ్చ‌కు దిగుతుంటాయి. జాన్వీ ముఠా కార్య‌క‌లాపాల‌న్నీ `అక్ష ముఠా` పేరుతో సాగుతాయి. తాజాగా ఈ గ్యాంగ్ ఉత్సాహంగా ఉల్లాసంగా సెలబ్రేష‌న్ లో ఉన్న ఓ వీడియోను పంచుకున్నారు. జాన్వీ అండ్ టీమ్ ర‌చ్చ చూస్తున్నారు క‌దా! దీని గురించి చర్చించడానికి తనకు మరో కుటుంబ విందు అవసరమని అర్జున్ కపూర్ అన్నారు.

జాన్వీ తన అక్షా ముఠాతో డ్యాన్స్ చేయ‌డంతో పాటు విచిత్రమైన పనులను చూస్తుంది. తన ముఠాతో తిరిగి వచ్చానని జాన్వీ ప్రకటించింది. ఏప్రిల్ లో ఆమె ఇదే ముఠాతో ఇలాంటి వీడియోను పోస్ట్ చేసింది. ఈ బృందం జాన్వితో కలిసి గోవాకు చేరుకుంది. అక్కడ వారు అనేక డ్యాన్సింగ్ ఛాలెంజ్ ల‌ను చేపట్టారు.

తన అక్ష ముఠా తిరిగి ర‌చ్చకు సిద్ధ‌మైంద‌ని ప్రకటించిన జాన్వి కపూర్ తన గుంపుతో కలిసి ఉన్న‌ వీడియోలో జాన్వీ ఫోటోషూట్ కోసం దుస్తులు ధరించి క‌నిపించింది. విరామ సమయంలో ఈ వీడియోను చిత్రీకరించార‌ట‌. ఇలాంటివి క‌పూర్ ఫ్యామిలీలో నిరంత‌రం చూడొచ్చు. ఇంత‌కుముందు ఫాదర్స్ డే (జూన్ 20) న బోనీ కపూర్- అన్షులా -ఖుషి కపూర్లతో కలిసి ఫ్యామిలీ విందులో అర్జున్ - జాన్వి కలుసుకున్నారు. వారు ఆ విందు నుండి వ‌రుస ఫోటోలను కూడా ఇన్ స్టాగ్రామ్ లో పంచుకున్నారు. తాజా వీడియోకి జాన్వి కపూర్ మామ సంజయ్ కపూర్.. అత్త మహీప్ కపూర్ కూడా ఈ పోస్ట్ పై వ్యాఖ్యల్ని జోడించారు. కెరీర్ మ్యాట‌ర్ కి వ‌స్తే.. జాన్వీ గుడ్ లక్ జెర్రీ చిత్రం షూటింగ్ ను పూర్తి చేసింది. దోస్తానా 2 లోనూ న‌టిస్తోంది.