డ్యాన్స్ మాస్టర్ రియల్ ఫైటింగ్!!

ఏదైనా అన్యాయం జరుగుతుంటే.. దాన్ని ప్రశ్నించేవాళ్లు చాలా తక్కువ మంది ఉంటారు. అనవసరంగా మనకెందుకులే గొడవ అని తప్పుకునే వాళ్లే ఎక్కువగా ఉంటారు. ముఖ్యంగా సెలబ్రిటీ హోదా ఉన్నవాళ్లయితే ఇలాంటి వివాదాలకు మరింత దూరంగా ఉంటారు. అయితే.. కొరియోగ్రాఫర్ అయిన జానీ మాస్టర్ మాత్రం అలా ఊరుకోలేదు.

తనకెందుకులే అని తప్పుకోలేదు. తాజగా ఆయన తన కారుకు పెట్రోల్ కొట్టించుకునేందుకు ఓ బంక్ కు వెళ్లాడు. హైద్రాబాద్ లోని నాంపల్లి స్టేషన్ రోడ్ లో ఉన్న పెట్రోల్ బంకుకు వెళ్లి.. ఓ 500 రూపాయలు పెట్రోల్ కొట్టించుకున్నాడు. అయితే.. బంకులో కొట్టిన పెట్రోల్ తక్కువగా ఉండడంతో అదే విషయాన్ని ప్రశ్నించాడు జానీ మాస్టర్. దీనికి బంక్ ఉద్యోగుల నుంచి నిర్లక్ష్యంగా సమాధానం వచ్చింది. బంక్ ఓనర్ దృష్టికి ఈ విషయం తీసుకెళ్లినా.. వాళ్లు కూడా నిర్లక్ష్యంగా సమాధానం ఇవ్వడం ఆయనకు కోపం తెప్పించింది.

దీంతో ఆగ్రహించిన జానీ మాస్టర్ గట్టిగానే నిలదీశాడు. తన కారు మీటర్ లో ఎలాంటి సమస్య లేదని.. ఈ బంక్ వాళ్లే పెట్రోల్ తక్కువగా కొడుతున్నారని వివరించాడు. అడిగితే దౌర్జన్యం చేస్తున్నారని మండి పడ్డాడు జానీ మాస్టర్. ఇలా ప్రజలను మోసం చేయడం దారుణం అంటూ విరుచుకుపడ్డాడు ఈ డ్యాన్స్ మాస్టర్.



Like Us on Facebook : https://www.facebook.com/Tupakidotcom/