బూమ్రా షోకు ఫిదా అయ్యిందట

టీం ఇండియా తాజాగా న్యూజిలాండ్‌ ను వారి సొంత గడ్డపై టీ20 సిరీస్‌ లో ఓడించడం.. అదీ అయిదు మ్యాచ్‌ ల సిరీస్‌ ను క్లీన్‌ స్వీప్‌ చేయడం నిజంగా రికార్డుగా చెప్పుకోవచ్చు. ప్రతి మ్యాచ్‌ లో కూడా టీం ఇండియా అద్బుతమైన ప్రతిభను కనబర్చింది. చివరి బంతి వరకు కూడా గెలుపు కోసం టీం ఇండియా ఆటగాళ్లు పడ్డ కష్టం ఆ రెండు సూపర్‌ ఓవర్‌ మ్యాచ్‌ లను చూస్తే అర్థం అవుతుంది. చివరి మ్యాచ్‌ లో కూడా ఇండియా అద్బుతమైన ఆటతీరును కనబర్చింది.

బ్యాట్స్‌ మన్స్‌ మాత్రమే కాకుండా బౌలర్లు కూడా ఈ సిరీస్‌ విజయంలో కీలక పాత్ర పోషించారు. ముఖ్యంగా టీం ఇండియా పేసర్‌ బూమ్రా బౌలింగ్‌ తో మెరుపులు మెరిపించి విజయాన్ని సొంతం చేసుకున్నాడు. తన అద్బుతమైన బౌలింగ్‌ తో అభిమానులను సొంతం చేసుకున్నాడు. తాజాగా బాలీవుడ్‌ హాట్‌ హీరోయిన్‌ దిశా పటాని అతడి చివరి మ్యాచ్‌ పర్ఫార్మెన్స్‌ కు ఫిదా అయ్యిందట.

చివరి మ్యాచ్‌ పూర్తి అయిన తర్వాత విశ్లేషణ కార్యక్రమం లో పాల్గొంది. ఆమె నటించిన మలంగ్‌ సినిమా ప్రమోసన్‌ కోసం మ్యాచ్‌ ప్రీ టాక్‌ షో లో పాల్గొంది. ఆ సందర్బం గా మ్యాచ్‌ విన్నింగ్‌ క్రెడిట్‌ ఎవరికి ఇస్తారంటూ ప్రశ్నించగా మరో ఆలోచన లేకుండా బూమ్రాకే ఇస్తానంటూ చెప్పుకొచ్చింది. నాలుగు ఓవర్లు వేసి కేవలం 12 పరుగులు మాత్రమే ఇచ్చి మూడు వికెట్లు తీశాడు. నాలుగు ఓవర్ల లో ఒక ఓవర్‌ మెయిడిన్‌ అవ్వడం విశేషం.

టీ20ల్లో ఇలాంటి గణాంకాలు నమోదు అవ్వడం చాలా చాలా అరుదు. నాలుగు ఓవర్లకు 12 పరుగులు ఇవ్వడం రికార్డుగా చెప్పుకోవచ్చు. ప్రతి బాల్‌ ను సిక్స్‌ కొట్టాలని టీ20ల్లో ప్రయత్నాలు చేస్తుంటారు. అలాంటిది మెయిడిన్‌ ఓవర్‌ వేసి మూడు ఓవర్ల కు 12 పరుగులు మాత్రమే ఇవ్వడం నిజంగా సూపర్‌ అంటూ బూమ్రా బౌలింగ్‌ ప్రతిభకు ఫిదా అయిన ముద్దుగుమ్మ దిశా పటాని ఒక క్రీడా పండితురాలి మాదిరిగా విశ్లేషించింది. మొత్తానికి బూమ్రా పై ఆమె చేసిన కామెంట్స్‌ ప్రస్తుతం సోషల్‌ మీడియా లో వైరల్‌ అవుతున్నాయి. బూమ్రాకు పడి పోయిన దిశా అంటూ నెటిజన్స్‌ కామెంట్స్‌ చేస్తున్నారు.