న్యూజెర్సీలో హల్ చల్ చేస్తున్న జోగిపేట బాయ్స్..!

ఏజెంట్ సాయి శ్రీనివాస ఆత్రేయ' ఫేమ్ నవీన్‌ పొలిశెట్టి ప్రధానపాత్రలో తెరకెక్కిన చిత్రం ''జాతి రత్నాలు''. అనుదీప్‌ కేవీ దర్శకత్వంలో తెరకెక్కిన ఈ చిత్రంలో ప్రియదర్శి, రాహుల్‌ రామకృష్ణ కీలక పాత్రలు పోషించారు. ఫరీదా హీరోయిన్ గా నటించింది. మహాశివరాత్రి సందర్భంగా మార్చి 11న ప్రేక్షకుల ముందుకు వ‌చ్చిన ఈ చిత్రం సంచలన విజయాన్ని నమోదు చేసుకుంది. స్వప్న సినిమాస్‌ పతాకంపై 'మహానటి' డైరెక్టర్ నాగ్ అశ్విన్ నిర్మించిన ఈ చిత్రం అన్ని వర్గాల ప్రేక్షకులను అలరిస్తూ బ్లాక్ బస్టర్ హిట్‌ గా నిలిచింది. ఈ క్రమంలో చిత్ర యూనిట్‌ సక్సెస్ సెలెబ్రేషన్స్ లో మునిగిపోయారు.

హైదరాబాద్‌ నెక్లెస్ రోడ్ లో గ్రాండ్‌ గా సక్సెస్ మీట్ నిర్వహించిన చిత్ర యూనిట్.. ఇప్పుడు యూఎస్ లో విజయోత్సవాన్ని జరుపుకుంటున్నారు. 'జాతిరత్నాలు' సినిమా యుఎస్ఏ లో 1 మిలియన్ డాలర్లకు పైగా వసూళ్లను రాబట్టింది. కరోనా పాండమిక్ తర్వాత అక్కడ అత్యధిక కలెక్షన్స్ రాబట్టిన సినిమాగా నిలిచింది. ఈ నేపథ్యంలో తమ ఆనందాన్ని యూఎస్ ఆడియన్స్ తో పంచుకోవడానికి మన జాతిరత్నాలు నవీన్ పోలిశెట్టి - ప్రియదర్శి అక్కడ వాలిపోయారు. జోగిపేట బాయ్స్ న్యూజెర్సీలో హంగామా చేయబోతున్నారని మేకర్స్ ఓ ఫన్నీ వీడియో ద్వారా వెల్లడించారు. ఈ చిత్రానికి రథన్‌ సంగీతం సమకూర్చారు. బ్రహ్మానందం - మురళీ శర్మ - వెన్నెల కిశోర్‌ - బ్రహ్మజీ - తనికెళ్ల భరణి తదితరులు ఇతర పాత్రలు పోషించారు.

Meet Jogipet boys soon in New Jersey.#JathiRatnalu @FlyHighCinemas @NaveenPolishety @fariaabdullah2 @priyadarshi_i @eyrahul @anudeepfilm @vennelakishore @actorbrahmaji @ItsActorNaresh @murlisharma72 @radhanmusic #PriyankaDutt @nagashwin7 @SwapnaCinema @LahariMusic pic.twitter.com/6K6ZfILneP

— Swapna Cinema (@SwapnaCinema) March 19, 2021