మళ్లీ హిట్ అయిన జాతిరత్నం

నవీన్ పొలిశెట్టి హీరోగా ఫరియా అబ్దుల్లా హీరోయిన్ గా అనుదీప్ దర్శకత్వంలో మహానటి దర్శకుడు నాగ్‌ అశ్విన్ దర్శకత్వంలో రూపొందిన జాతిరత్నాలు కరోనా సమయంలోనూ మంచి విజయాన్ని సొంతం చేసుకుంది. ఈ ఏడాది వచ్చిన హిట్ సినిమాల్లో జాతిరత్నాలు ఒకటి అనడంలో ఏమాత్రం సందేహం లేదు. తెలుగు సినిమా ఇండస్ట్రీకి మంచి ఊపును ఇచ్చిన సినిమా అనడంలో కూడా ఏమాత్రం సందేహం లేదు. ఒక విభిన్నమైన కామెడీ ఎంటర్‌ టైనర్ గా రూపొందిన జాతి రత్నాలు సినిమా తాజాగా మరోసారి విజయాన్ని సొంతం చేసుకుంది.

మొన్న ఆదివారం జాతిరత్నాలు సినిమా జెమిని టీవీలో టెలికాస్ట్‌ అయ్యింది. భారీ అంచనాల నడుమ జెమిని లో టెలికాస్ట్ అయిన జాతిరత్నాలు సినిమా థియేటర్ లో ఎలా అయితే సక్సెస్ అయ్యిందో బుల్లి తెరపై కూడా అదే తరహాలో ఘన విజయాన్ని సొంతం చేసుకుంది. జెమిని టీవీలో ఈ సినిమా కు గాను 10.2 టీఆర్పీ రేటింగ్ దక్కినట్లుగా సమాచారం అందుతోంది. ఈ స్థాయిలో పెద్ద సినిమాలు మాత్రమే రేటింగ్‌ ను దక్కించుకుంటాయి. జాతిరత్నాలు ఈ రేంజ్‌ లో రేటింగ్ దక్కించుకోవడం ఇండస్ట్రీ వర్గాల్లో చర్చనీయాంశం అయ్యింది.

జాతిరత్నాలు సినిమా టీఆర్పీ రేటింగ్ తో జెమిని టీవీకి మంచి లాభాలు వచ్చినట్లుగా తెలుస్తోంది. అదే రోజు ఎన్టీఆర్‌ మరియు రామ్ చరణ్ లు సందడి చేసిన ఎవరు మీలో కోటీశ్వరులు కూడా టెలికాస్ట్‌ అయ్యింది. రెండు బ్యాక్‌ టు బ్యాక్‌ వచ్చాయి. ఎన్టీఆర్ షో కు కాస్త తక్కువగా జాతిరత్నాలు సినిమా రేటింగ్ దక్కించుకుంది. జాతిరత్నాలు దర్శకుడు అనుదీప్‌ ప్రస్తుతం పాన్ ఇండియా మూవీని తెరకెక్కిస్తున్నాడు. మరో వైపు జాతిరత్నాలు హీరో నవీన్ పొలిశెట్టి వరుసగా ఆఫర్లు దక్కించుకుంటున్నాడు.