జాతిరత్నాలుః ఇది కూడా ట్రెండ్డింగ్‌ అవుతోంది

ఏజెండ్ సాయి శ్రీనివాస ఆత్రేయ సినిమాతో నటుడిగా విమర్శకుల ప్రశంసలు దక్కించుకున్న నవీన్ పొలిశెట్టి జాతి రత్నాలు సినిమాతో మరో సక్సెస్‌ ను తన ఖాతాలో వేసుకున్నాడు. మహానటి దర్శకుడు నాగ్‌ అశ్విన్ నిర్మించిన ఈ సినిమా కు అనుదీప్ దర్శకత్వం వహించాడు. గత రెండు మూడు వారాలుగా జాతిరత్నాలు ఎక్కడ చూసినా కూడా ట్రెండ్డింగ్‌ లో నే ఉంటుంది. జాతి రత్నాలు ట్రైలర్‌ ను ప్రభాస్ చేతుల మీదుగా టీమ్ ముంబయి వెళ్లి మరీ రిలీజ్ చేయించారు. ఆ వీడియో సోషల్‌ మీడియాలో వైరల్‌ అయ్యింది. ఆ తర్వాత నెట్టింట సినిమా ప్రమోషనల్‌ వీడియోలను వరుసగా షేర్‌ చేస్తూ రెండు వారాలుగా ట్రెండ్డింగ్‌ లోనే ఉన్న జాతి రత్నాలు సినిమా విడుదల తర్వాత కూడా ట్రెండ్‌ అవుతూనే ఉన్నారు.

జాతి రత్నాలు విడుదల అయ్యి రెండవ వారం కంటిన్యూ అవుతుంది. తెలుగు రాష్ట్రాలతో పాటు ఓవర్సీస్ లో కూడా ఈ సినిమా మంచి వసూళ్లను దక్కించుకుంటుంది. ఈసమయంలోనే చిత్ర యూనిట్‌ సభ్యులు మేకింగ్‌ వీడియోను విడుదల చేశారు. సినిమా ఎంత సరదాగా సాగిందో మేకింగ్‌ కూడా అలాగే చేసినట్లుగా తెలుస్తోంది. మేకింగ్‌ వీడియో ను చూస్తుంటే వారు సినిమాను ఎంత సరదాగా తెరకెక్కించారో అర్థం అవుతుంది. నవీన్‌ పొలిశెట్టితో పాటు దర్శకుడు ఇతర నటీనటులు మరియు హీరోయిన్‌ అందరు కూడా చాలా సరదాగా షూటింగ్ లో పాల్గొన్నారు. సీరియస్ గా కాకుండా ఫన్నీగా సినిమాను మేకింగ్‌ చేశారు. ఇంత వినోదాత్మకంగా రావాలంటే ఈమాత్రం ఫన్నీగా చేయాలేమో అంటున్నారు. అయిదు నిమిషాల పాటు సాగిన ఈ మేకింగ్ వీడియో ఆరంభంలోనే లక్ష్మీ గణపతి ఫిల్మ్స్‌ అంటూ నవ్వు తెప్పించింది. సినిమా మాదిరిగా మేకింగ్ వీడియో కూడా వినోదాత్మకంగా ఉండి యూట్యూబ్‌ లో స్ట్రీమింగ్ అయిన కొన్ని గంటలకే ట్రెండ్డింగ్‌ లోకి చేరింది.