అమెరికాలో జాతిర‌త్నాలు రేర్ ఫీట్.. ఫ్లైట్ ఎక్కేస్తున్నారుగా!

ఉప్పెన త‌ర్వాత మ‌ళ్లీ టాలీవుడ్ కి మంచి ఊపు తెచ్చిన సినిమా జాతిర‌త్నాలు. బాక్సాఫీస్ వ‌ద్ద ఈ సినిమా సంచ‌ల‌న విజ‌యం సాధించింది. ఇటు తెలుగు రాష్ట్రాలు స‌హా అటు అమెరికాలోనూ జాతిర‌త్నాలు అద్భుత వ‌సూళ్ల‌ను సాధించింది.

మ‌రికొద్ది రోజుల్లోనే జాతిర‌త్నాలు అమెరికాలో 1 -మిలియ‌న్ డాల‌ర్ (సుమారు 6.5 కోట్లు) క్ల‌బ్ లో చేర‌నుంద‌ని తెలుస్తోంది. ఈ స‌క్సెస్ ని పుర‌స్క‌రించుకుని జాతిర‌త్నాలు అమెరికా విమానం ఎక్కేస్తున్నారు. ఇదే విష‌యాన్ని ఎంతో సంతోషంగా స‌క్సెస్ వేదిక‌పై న‌వీన్ పోలిశెట్టి వెల్ల‌డించారు.

జోగిపేట బోయ్స్ అమెరికా విమానం ఎక్కేస్తున్నారు.. మేము రాత్రికి అమెరికా వెళుతున్నాం. జాతి రత్నలు త్వరలో ఒక డాలర్ మార్కును అధిగ‌మిస్తుంద‌ని ఆశిస్తున్నాం.. అని న‌వీన్ తెలిపారు. న‌వీన్ - ద‌ర్శ‌కుడు అనుదీప్ కెవి .. నిర్మాతలు నాగ్ అశ్విన్- స్వ‌ప్నా దత్.. ప్రియాంక దత్ లపైనా న‌వీన్ ప్రశంసలు కురిపించారు. అమెరికా విమానం ఎక్కే బృందంలో న‌వీన్ తో పాటు కోస్టార్స్ ప్రియ‌ద‌ర్శి- రాహుల్ రామ‌కృష్ణ‌న్ త‌దిత‌రులు ఉన్నారు.