'యూఎస్'లో రికార్డు కలెక్షన్స్ వైపు జాతిరత్నాలు..!

టాలీవుడ్ ఇండస్ట్రీలో యువహీరో నవీన్ పొలిశెట్టి ప్రస్తుతం హాట్ టాపిక్ అయ్యాడు. ఏజెంట్ సాయిశ్రీనివాస్ ఆత్రేయ సినిమాతో డెబ్యూ చేసిన నవీన్.. జాతిరత్నాలు సినిమాతో రెండో హిట్ తన ఖాతాలో వేసుకున్నాడు. జాతిరత్నాలు మూవీ విడుదలకు ముందే ప్రమోషన్స్ పరంగా జనాల్లోకి బాగా వెళ్ళింది. దాంతోపాటు టీజర్, ట్రైలర్ సాంగ్స్ క్రియేట్ చేసిన బజ్ ఓ రేంజిలో నెలకొంది. అమాంతం అలా సినిమా పై ప్రేక్షకులలో హైప్ పెంచేసాయి. అయితే ఈ సినిమా ప్రేక్షకుల అంచనాలకు అనుగుణంగా ఉండటమే కాకుండా వారి అంచనాలను అవలీలగా బీట్ చేసిందని చెప్పాలి. ఈ సినిమా మరో కొత్తదారికి నాంది పలికింది. ఈ సినిమాను స్టార్ డైరెక్టర్ నాగ్ అశ్విన్ నిర్మించిన ఈ సినిమా అమెరికాలో కలెక్షన్స్ పరంగా దుమ్ములేపుతుంది.

ఈ సినిమాలో నవీన్ హిలేరియస్ పెర్ఫార్మన్స్ తో 'టాక్ ఆఫ్ ది టౌన్' అయ్యాడు. నవీన్ యాక్టింగ్ గాని కామెడీ టైమింగ్ గురించి సినిమా చూసిన ప్రతి ఒక్కరూ మాట్లాడుకుంటున్నారు. అయితే ఈ సినిమాలో రాహుల్ రామకృష్ణ, ప్రియదర్శి, ఫరియా అబ్దుల్లా కీలకపాత్రల్లో నటించారు. ఇదిలా ఉండగా.. జాతిరత్నాలు సినిమా యూఎస్ఏ లో రికార్డు కలెక్షన్స్ రాబడుతుంది. విడుదలై రెండు వారాలు గడిచినా ఇంకా మంచి కలెక్షన్స్ వసూల్ చేస్తోందంటే మాములు విషయం కాదు. అయితే ఈ సినిమా ఈరోజు సాయంత్రం వరకు యూఎస్ బాక్సాఫీస్ వద్ద వన్ మిలియన్ డాలర్స్ కలెక్షన్స్ పూర్తి చేసుకుంటుందట. ఇప్పటికే ఈ సినిమా చాలా లాభాల్లో ఉంది. ఈ సినిమాను డైరెక్టర్ నాగ్ అశ్విన్ నిర్మించాడు. మొదటి ప్రయత్నంలోనే అద్భుతమైన విజయం అందుకున్నాడనే చెప్పాలి. అనుదీప్ దర్శకత్వం వహించాడు. ప్రస్తుతం నవీన్ వరుస సినిమాలతో బిజీ అయ్యాడు.