జాతిర‌త్నాలు సీక్వెల్ క‌థ‌ను అప్పుడే లీక్ చేశారు!

చిన్న సినిమాల్లో పెద్ద విజ‌యం అందుకుంది జాతిర‌త్నాలు. అనుదీప్ కెవి దర్శకత్వం వ‌హించిన ఈ చిత్రానికి నాగ్ అశ్విన్ నిర్మాత‌. ఈ చిత్రంలో నవీన్ పోలిశెట్టి- ప్రియదర్శి- రాహుల్ రామకృష్ణ- ఫరియా అబ్దుల్లా ప్రధాన పాత్రలు పోషించారు. ఈ చిత్రం 4కోట్ల‌తో తెర‌కెక్కి 40కోట్లు పైగా వ‌సూలు చేయ‌డం.. పైగా అమెరికాలో 1 మిలియ‌న్ డాల‌ర్ క్ల‌బ్ ని అందుకోవ‌డం సంచ‌ల‌న‌మైంది.

అందుకే ఈ సినిమాకి సీక్వెల్ తీస్తున్నామ‌ని చిత్ర‌బృందం ప్ర‌క‌టించ‌గానే అంద‌రిలో ఆస‌క్తి నెల‌కొంది. తాజా స‌మాచారం మేర‌కు న‌వీన్ పోలిశెట్టి- కెవి బృందం సీక్వెల్ ఆలోచ‌న‌ల్లో త‌ల‌మున‌క‌లుగా ఉన్నార‌ని తెలిసింది. ఈ ఇద్ద‌రూ క‌లిసి వేరొక కొత్త క‌థ‌తో సినిమా చేయ‌నున్నారు. అదే క్ర‌మంలో సీక్వెల్ స్క్రిప్ట్ పైనా వ‌ర్క్ చేస్తున్నార‌ట‌.

ఇంత‌కీ సీక్వెల్ క‌థ ఎలా ఉండ‌నుంది? అంటే.. ముగ్గురు స్నేహితులు పొట్ట కూటి కోసం.. ఉపాధి కోసం రాజ‌ధాని న‌గ‌రానికి (హైద‌రాబాద్) వెళ్లాక‌ ఏం జ‌రిగింది? అన్న‌ది పార్ట్ 1లో చూపించారు. ఇప్పుడు ఆ ముగ్గురు ఉపాధి కోసం అమెరికా వెళితే ఎలా ఉంటుందో చూపిస్తార‌ట‌. నిజానికి క‌థ కంటే కామెడీ పైనా దృష్టి సారించిన స‌ప‌రేట్ జోన‌ర్ సినిమా ఇది. ఫ‌న్ వ‌ర్క‌వుటైతే మ‌ళ్లీ బంప‌ర్ హిట్టే. అనుదీప్ సెన్సిబిలిటీస్ కి న‌వీన్ పోలిశెట్టి లాంటి ట్యాలెంట్ యాడైతే పుట్టుకొచ్చే బొనాంజా ట్రీట్ అని చెప్పాలి. సీక్వెల్ తోనూ ఎలాంటి మ్యాజిక్ చేస్తారో వేచి చూడాలి.