వీడియో టాక్ః మేకింగ్ బాగానే ఉందమ్మా

ప్రస్తుతం టాలీవుడ్ లో హిట్ కోసం తపిస్తున్న హీరోల్లో సాయి ధరమ్ తేజ్ కూడా ఉన్నాడు. అయితే చాలా రోజుల తర్వాత జవాన్ సినిమాతో ఈ శుక్రవారం ప్రేక్షకుల ముందుకు వచ్చాడు. బివిఎస్.రవి దర్శకత్వంలో తెరకెక్కిన ఈ సినిమా గత కొంత కాలంగా రిలీజ్ విషయంలో చాలా ఇబ్బందులను ఎదుర్కొన్న సంగతి తెలిసిందే. రిజల్ట్ మీద చాలా అనుమానాలు వచ్చాయి. అయితే సినిమాకి ప్రస్తుతం మిక్సుడ్ టాక్ తో నడుస్తోంది.

అయితే కలెక్షన్స్ రూపంలో ఎలాంటి తేడా వస్తుందో అనే విషయంపై ఇంకా ఎలాంటి క్లారిటీ లేదు. ఒక రెండు మూడు రోజులు గడిస్తేనే గాని సినిమా సంగతి ఏంటో కరెక్ట్ గా చెప్పలేని పరిస్థితి. అయితే జవాన్ టీమ్ మాత్రం సక్సెస్ టాక్ వచ్చిందని ఇప్పటికే చాలా సంబరాలను చేసుకుంటోంది. ఇక సినిమా ప్రమోషన్స్ ని కూడా ఇంకా కొనసాగిస్తూనే ఉంది. అయితే రీసెంట్ గా 30 నిమిషాల మేకింగ్ వీడియోను చిత్ర యూనిట్ రిలీజ్ చేసింది.

మేకింగ్ లో చాలా సంతోషంగా గడిపామని చిత్ర యూనిట్చెబుతోంది. దర్శకుడితో పాటు మిగతా టెక్నీషియన్స్ అయిన కెమెరెమ్యాన్ గుహన్.. అలాగే హీరో కూడా.. సినిమా గురించి చాలా మాట్లాడారు. మొత్తంగా అందరు హీరో సాయి ధరమ్ తేజ్ ఈ సినిమాకు అసలైన జవాన్ అని పలు రకాలుగా పొగిడారు. కొన్ని సీన్స్ లో సాయి చాలా బాగా హార్డ్ వర్క్ చేశాడని మేకింగ్స్ వీడియోను చూస్తే అర్ధమవుతోంది.