జవాన్ మళ్లీ జంప్ అయిపోయాడా?

మెగా ఫ్యామిలీ నుంచి వచ్చిన అందరు హీరోలు దాదాపు భారీ విజయాలను అందుకున్నారు. రీసెంట్ గా ఫిదా సినిమాతో వరుణ్ తేజ్ కూడా మంచి హిట్ అందుకొని తనకంటూ ఒక మార్కెట్ ను సెట్ చేసుకున్నాడు. ఇక సాయి ధరమ్ తేజ్ మూడు సినిమాలతో విజయాలను అందుకున్నా కూడా ఇంకా అంతకు మించిన స్థాయిలో ఒక బ్లాక్ బస్టర్ అందుకోలేక పోతున్నాడు.

నటనలో డ్యాన్సులతో బాగానే రాటు దేలిన ఈ హీరో మొన్నటి వరకు కొంచెం కమర్షియల్ సినిమాలనే ఎక్కువగా తీశాడు. సుప్రీమ్ అండ్ సుబ్రమణ్యం ఫర్ సెల్ సినిమాలతో మంచి మాస్ హీరోగా పేరు తెచ్చుకున్నాడు. కాని తిక్క అండ్ విన్నర్ వంటి సినిమాలు గట్టిగా దెబ్బేశాయి. అయితే ఈ సారి ఎలాగైనా అంతకుమించిన స్థాయిలో హిట్ కొట్టాలని కొత్త కాన్సెప్ట్ లో జవాన్ సినిమాను చేస్తున్నాడు. ప్రముఖ రచయిత బివిఎస్ రవి సినిమాకు దర్శకత్వం వహిస్తున్నాడు. అయన ఇంతకుముందు గోపీచంద్ - వాంటెడ్ సినిమా తీశారు. కానీ సినిమా అంతగా ఆడలేదు. అయితే జవాన్ సినిమా దాదాపు పూర్తయినా ఇంకా రిలీజ్ డేట్ పై చిత్ర యూనిట్ ఒక క్లారిటిని ఇవ్వడం లేదు.

మొదట సప్టెంబర్ లో సినిమాను రిలీజ్ చేద్దామని అనుకున్నారు. కానీ ఇప్పుడు మళ్లీ అక్టోబర్ లో సినిమాను రిలీజ్ చేసేందుకు ప్లాన్ చేసుకున్నారు. బట్ దసరా సీజన్ కూడా మిస్సయ్యారు. అన్నీ సరిచూసుకుని సినిమాను డిసెంబర్ లో రిలీజ్ చేయాలని అనుకుంటున్నారు. ఆల్రెడీ డిసెంబర్లో రాజుగారు ఎంసిఏ సినిమాను లైన్లో పెట్టారుగా? మరి జవాన్ కు డేట్ ఎప్పుడు దొరుకుతుందో. మెహ్రీన్ పిర్జాద హీరోయిన్ గా నటించిన ఈ చిత్రానికి థమన్ సంగీతాన్ని అందిస్తున్నాడు.