జీవిత వ‌ర్సెస్ విష్ణు: ఎవరు ఎవరికి మద్దతివ్వబోతున్నారు?

మూవీ ఆర్టిస్టుల సంఘం (మా) ఎన్నిక‌ల పోరు ఊహించిన‌దానికంటే ర‌స‌వ‌త్త‌రంగా మారుతున్న సంగ‌తి తెలిసిందే. ఈసారి ఛ‌తుర్మ‌ఖ పోటీ ఖాయ‌మ‌ని భావించ‌గా.. ఓ ఇద్ద‌రు మాత్రం మిడిల్ డ్రాప్ అవుతార‌ని చివ‌రికి ఇద్ద‌రే అధ్య‌క్ష ప‌ద‌వికి పోటీప‌డ‌తార‌ని భావిస్తున్నారు. ముఖ్యంగా ప్ర‌కాష్ రాజ్ వ‌ర్సెస్ మంచు విష్ణు వార్ గురించి ఆస‌క్తిక‌ర చ‌ర్చ సాగింది. ప్ర‌కాష్ రాజ్ కి మెగా కాంపౌండ్ మ‌ద్ధ‌తు.. మంచు విష్ణుకి ఘ‌ట్ట‌మ‌నేని కాంపౌండ్ మ‌ద్ధ‌తును ప్ర‌క‌టించాయి.

ఇక‌పోతే ఇంత‌లోనే వీకే న‌రేష్ - జీవిత సంయుక్తంగా సూప‌ర్ స్టార్ కృష్ణ ఇంటి వ‌ద్ద ప్రెస్ మీట్ పెడుతుండ‌డం ఆస‌క్తిని క‌లిగిస్తోంది. దీంతో జీవిత పోటీ నుంచి విర‌మిస్తున్నారా? అంటూ చ‌ర్చా సాగిపోతోంది. అధ్య‌క్ష ప‌ద‌వికి పోటీప‌డ‌కుండా మంచు విష్ణు ప్యానెల్లో జీవిత‌ కీల‌క బాధ్య‌తను స్వీక‌రిస్తార‌ని టాక్ వినిపిస్తోంది. అయితే ప్ర‌కాష్ రాజ్ క్లారిటీగా ప్యానెల్ ని ప్ర‌క‌టించేసినా మంచు విష్ణు ఎందుక‌నో ఇంకా త‌డ‌బ‌డుతున్నారు. ఒక‌వేళ చిరు ఇంత‌కుముందు ప్ర‌క‌టించిన‌ట్టు ఈసారి ఒక లేడీకి మ‌ద్ధ‌తు ఇచ్చే ఆలోచ‌న‌తో ఉన్నారా? ఒక‌వేళ జీవిత పోటీ చేస్తే త‌న‌కు మెగా కాంపౌండ్ మ‌ద్ధ‌తునిస్తుందా? అన్న చ‌ర్చా వేడెక్కిస్తోంది. అందుకే జీవిత ప్రెస్ మీట్ అన‌గానే ఎన్నో సందేహాలు.

ఒక‌వేళ మంచు విష్ణు డ్రాప్ అయ్యి జీవిత‌కు మ‌ద్ధ‌తునిస్తే తాను గెలిచేందుకు ఆస్కారం ఉంద‌న్న గుస‌గుసా వేడెక్కిస్తోంది. ఇక జీవిత లేడీ కాబ‌ట్టి హేమ‌ను క‌లుపుకుపోతే ఆ మేర‌కు త‌న ఓట్లు ఇటువైపు ప‌డిపోతాయి. వీకే న‌రేష్ వ‌ర్గం నుంచి వంద వోట్లు జీవిత‌కు క‌లిసొస్తాయ‌ని భావిస్తున్నారు. అయితే బ‌రిలోంచి త‌ప్పుకునేది ఎవ‌రు? అన్న‌దానిపై క్లారిటీ లేదు. విష్ణు త‌ప్పుకుని జీవిత‌కు అవ‌కాశ‌మిస్తారా? లేక జీవిత త‌ప్పుకుని విష్ణుకి మ‌ద్ధ‌తునిస్తున్నారా? అన్న‌ది వారే చెప్పాల్సి ఉంది. ఛాంబ‌ర్ లో జ‌ర‌గాల్సిన ప్రెస్ మీట్ ని కృష్ణ ఇంటికి ఎందుకు మార్చిన‌ట్టు? ఇది విష్ణు-న‌రేష్‌-జీవిత అల‌యెన్స్ గా భావించ‌వ‌చ్చా?