ఆ న‌టి పెళ్లిపీట‌లు ఎక్క‌ట్లేద‌ట‌.. బ్రేక‌ప్ కూడా చెప్పేసింద‌ట‌.. ప్రియుడు మోసం చేశాడ‌నే..?!

త‌న‌కంటే ఆరు సంవ‌త్స‌రాలు చిన్న‌వాడితో డేటింగ్ చేస్తూ.. పెళ్లికి కూడా సిద్ధ‌మై సంచ‌ల‌నం సృష్టించారు అమెరిక‌న్ స్టార్ న‌టి జెన్నిఫ‌ర్ లోపెజ్‌. అయితే.. దాదాపు నాలుగేళ్ల స‌హ‌జీవ‌నం త‌ర్వాత‌ ఇప్పుడు బ్రేక‌ప్ కూడా చెప్పేసింద‌ట‌. కొన్ని రోజులుగా సోష‌ల్ మీడియాలో ఈ విష‌యం హాట్ టాపిక్ గా మారింది.

51 సంవ‌త్స‌రాల జెన్నిఫ‌ర్‌.. 45 ఏళ్ల అలెక్స్ రోడ్రిగెజ్ స‌హ‌జీవ‌నంలో ఉన్నారు. దాదాపు రెండేళ్లు లివింగ్ రిలేష‌న్ షిప్ ను కంటిన్యూ చేసిన త‌ర్వాత పెళ్లికి సిద్ధ‌మ‌య్యారు. ఈ మేర‌కు 2019లో ఎంగేజ్ మెంట్ చేసుకున్నారు. క‌రోనా గోల లేకుంటే.. వీరి పెళ్లి బాజాకూగా మోగిపోయేదే! ఈ కొవిడ్ వ‌ల్ల‌నే రెండు సార్లు మ్యారేజ్ పోస్ట్ పోన్ చేసుకున్నామ‌ని స్వ‌యంగా జెన్పిఫ‌ర్ గ‌త డిసెంబ‌ర్ లో ప్ర‌క‌టించింది.

అయితే.. ఇప్పుడు ఏకంగా పెళ్లినే శాశ్వ‌తంగా ర‌ద్దు చేసుకున్న‌ట్టు అమెరిక‌న్ మీడియా కోడై కూస్తోంది. కానీ.. ఈ విష‌య‌మై వారిద్ద‌రూలో ఎవ‌రూ అధికారికంగా స్పందించ‌లేదు. అవున‌ని కానీ.. కాద‌ని కానీ ప్ర‌క‌టించ‌లేదు. అయితే.. అందుతున్న స‌మాచారం ప్ర‌కారం.. ఈ పెళ్లి ర‌ద్దు వార్త‌లు నిజ‌మేన‌ని తెలుస్తోంది. దీనికి కార‌ణం లెక్స్ రోడ్రిగెజే కార‌ణమ‌ని స‌మాచారం.

అత‌ను మాడిస‌న్ లెక్రోయ్ కు ద‌గ్గ‌ర‌య్యాడ‌ని, ఆమెతో చాలా క్లోజ్ గా తిరుగుతున్న కార‌ణంగానే.. జెన్నిఫ‌ర్ ఈ నిర్ణ‌యం తీసుకున్న‌ట్టు చెబుతున్నారు. మ‌రి, ఇందులో ఏది నిజం అన్న‌ది తెలియాలంటే.. వారిద్ద‌రిలో ఎవ‌రో ఒక‌రు స్పందించాల్సిందే.