RRR పై హాలీవుడ్ న‌టి ప్ర‌శంస‌లు!

రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన పాన్ ఇండియా వండ‌ర్ `RRR`. యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ ల తొలి క‌ల‌యిక‌లో జ‌క్క‌న్న అత్యంత ప్ర‌తిష్టాత్మ‌కంగా తెర‌కెక్కించిన ఈ మూవీ ప్ర‌పంచ వ్యాప్తంగా సంచ‌ల‌నాలు సృష్టించిన విష‌యం తెలిసిందే. ప్రీ ఇండిపెండెన్స్ ఎరా నేప‌థ్యంలో సాగే ఫిక్ష‌న‌ల్ యాక్ష‌న్ డ్రామాగా రూపొందిన ఈ మూవీలో ఎన్టీఆర్ గోండు బెబ్బులి కొమురం భీంగానూ, రామ్ చ‌ర‌ణ్ మ‌న్యం వీరుడు అల్లూరి సీతారామ‌రాజుగానూ న‌టించి ప్రేక్ష‌కుల్ని త‌మ‌దైన న‌ట‌న‌తో అబ్బుర ప‌రిచారు.

గ‌త ఏడాది అత్యంత భారీ స్థాయిలో విడుద‌లైన ఈ మూవీ పై ప్ర‌పంచ వ్యాప్తంగా ప్ర‌శంస‌ల వ‌ర్షం కురుస్తోంది. రికార్డు స్థాయి విజ‌యాన్ని సాధించిన ఈ సినిమా ప‌లు అంత‌ర్జాతీయ వేదిక‌ల‌పై స‌త్తా చాటుతూ ఆస్కార్ బ‌రిలో స్థానాన్ని ద‌క్కించుకోవ‌డం తెలిసిందే. విదేశీ ప్రేక్ష‌కుల్ని సైతం రికార్డు స్థాయిలో మెప్పించి వార్త‌ల్లో నిలిచిన ఈ మూవీ ప్ర‌స్తుతం ప్ర‌తిష్టాత్మ‌కంగా భావించే గోల్డెన్ గ్లోబ్ అవార్డుల‌కు రెండు విభాగాల్లో నామినేట్ కావ‌డ‌మే కాకుండా ప్ర‌ఖ్యాత ఆస్కార్ అకాడ‌మీ అవార్డుల‌కు చివ‌రి నిమిషంలో షార్ట్ లిస్ట్ అయిన విష‌యం తెలిసిందే.

`నాటు నాటు ` సాంగ్ కు గానూ ఒరిజిన‌ల్ మ్యూజిక్ విభాగంలో ఈ పాట‌ని అస్కార్ కోసం షార్ట్ లిస్ట్ చేశారు. వ‌ర‌ల్క‌డ్ వైడ్ గా బాక్సాఫీస్ వ‌ద్ద సంచ‌ల‌నాలు సృష్టించిన ఈ మూవీపై, ఇందులో న‌టించిన క్రేజీ స్టార్స్ రామ్ చ‌ర‌న్‌, యంగ్ టైగ‌ర్ ఎన్టీఆర్ ల‌పై ప‌లువురు హాలీవుడ్ స్టార్స్ ప్ర‌శంస‌లు కురిపిస్తుండ‌ట‌మే కాకుండా ఆస్కార్ అవార్డుని ద‌క్కించుకుంటారంటూ ప్రెడిక్ష‌న్ చెబుతున్నారు. ఇటీవ‌ల `టైటానిక్` ఫేమ్ ఫ్రాన్సెస్ ఫిష‌ర్ రామ్ చ‌ర‌ణ్ పై ఆస‌క్తిక‌ర వ్యాఖ్య‌లు చేసింది.

ఫ్రాన్సెస్ ఫిష‌ర్ రామ్ చ‌ర‌ణ్ ట్వీట్ ని రీ ట్వీట్ చేస్తూ `సినిమాలో రామ్ చ‌ర‌ణ్ యాటిట్యూడ్‌, త‌ను చేసిన స్టంట్స్, డ్యాన్స్‌, సాంగ్స్‌, అన్నింటికీ మించి త‌ను న‌టించిన స‌న్నివేశాలు సూప‌ర్బ్ అని ప్ర‌శంస‌ల వ‌ర్షం కురిపించింది. తాజాగా మ‌రో హాలీవుడ్ న‌టి, ఆస్కార్ విన్న‌ర్ జెస్సికా చాస్టెన్ `RRR`పై ఆస‌క్తిక‌ర వ్యాఖ్య‌లు చేయ‌డం విశేషం. సినిమా చూస్తున్నంత సేపు ఓ పార్టీలో ఎంజాయ్ చేసిన‌ట్టుగా వుంద‌ని తెలిపిన జెస్సికా చాస్టెన్ త‌న అభిమానాన్ని చాటుకుంది.

`ది ఐస్ ఆఫ్ ట‌మ్మీ ఫై` అనే సినిమాకు గానూ గ‌త ఏడాది జెస్సికా చాస్టెన్ ఉత్త‌మ న‌టిగా ఆస్కార్ అవార్డుని సొంతం చేసుకుంది. ప్ర‌స్తుతం ఆస్కార్ అకాడ‌మీ స‌భ్యురాలిగా కొన‌సాగుతున్న జెస్సికా చాస్టెన్ `RRR`పై ఆస‌క్తిక‌ర వ్యాఖ్య‌లు చేయ‌డం గ‌మ‌నార్హం.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.