RRRకి ఇంత‌కంటే బెస్ట్ ఆప్ష‌నా?

ఎస్.ఎస్.రాజ‌మౌళి తెర‌కెక్కిస్తున్న మోస్ట్ అవైటెడ్ మూవీ RRR క‌థానాయిక‌ల గురించి ఇంత‌వ‌ర‌కూ ప్ర‌క‌టించిందే లేదు. చ‌ర‌ణ్‌, ఎన్టీఆర్ స‌ర‌స‌న న‌టించే క‌థానాయిక‌లు ఎవ‌రు? అన్న స‌స్పెన్స్ ఇంకా కొన‌సాగుతూనే ఉంది. ఎవ‌రికి వారు ర‌క‌ర‌కాల పేర్ల‌ను తెర‌పైకి తెచ్చి ప్ర‌చారం చేస్తున్నారు. ఆలియాభ‌ట్ - జాన్వీ క‌పూర్ - ప‌రిణీతి చోప్రా అంటూ ర‌క‌ర‌కాల పేర్లు వినిపించాయి. అస‌లింత‌కీ జ‌క్క‌న్న మైండ్ లో ఎవ‌రున్నారు?

అతిలోక సుంద‌రి శ్రీ‌దేవికి బాహుబ‌లి చిత్రంలో శివ‌గామి పాత్ర‌కు ఆఫ‌ర్ ఇచ్చినా కుద‌ర‌లేదు. క‌నీసం ఆ కార‌ణంతో అయినా శ్రీ‌దేవి న‌ట‌వార‌సురాలు జాన్వీ క‌పూర్ కి అవ‌కాశం ఇస్తారా? అందం.. అభిన‌యంలో ఎందులోనూ జాన్వీ త‌గ్గ‌దు. గ్లామ‌ర్ ఎలివేష‌న్ కి ఏమాత్రం అడ్డంకులు లేవు. ఆ సంగ‌తిని జాన్వీ యాక్టివిటీస్ చెబుతున్నాయి. అన్నిటినీ జ‌క్క‌న్న ప‌రిశీలిస్తున్నార‌నే భావిద్దాం. ఎప్ప‌టిక‌ప్పుడు జాన్వీ క‌పూర్ ఫోటోషూట్లు అంత‌ర్జాలాన్ని వేడెక్కిస్తున్న సంగ‌తి తెలిసిందే.

ప‌బ్లిక్ వేదిక‌ల‌పై.. ఫ్యాష‌న్ ఈవెంట్ల‌లో జాన్వీ రూపం గురించి కుర్ర‌కారులో చ‌ర్చ సాగుతోంది. అతిలోక సుంద‌రి న‌ట‌వార‌సురాలిగా తొలి సినిమా ధ‌డ‌క్ తో నిరూపించింది. ప్ర‌స్తుతం జాన్వీకి జ‌క్క‌న్న అవ‌కాశం ఇవ్వ‌డం ద్వారా సౌత్ ఇండ‌స్ట్రీస్ లోనూ ఈ అమ్మ‌డు వెలిగే ఛాన్స్ ఉంటుంది. మ‌రోవైపు క‌ర‌ణ్ జోహార్ నిర్మాణంలో త‌క్త్ అనే భారీ హిస్టారిక‌ల్ చిత్రంలో న‌టిస్తోంది. ఆర్.ఆర్.ఆర్ కి ధీటుగా తెర‌కెక్కుతున్న చిత్ర‌మది. అందుకే రాబోవు కాలంలో మేటి క‌థానాయిక‌గా జాన్వీ వెలిగిపోవ‌డం ఖాయంగానూ క‌నిపిస్తోంది. ఇక ఎలానూ క‌ర‌ణ్ బ్ర‌హ్మాస్త్ర చిత్రానికి ప్ర‌చార క‌ర్త‌గా ఆలియా కూడా ట‌చ్ లోనే ఉంటుంది కాబ‌ట్టి జాన్వీ, ఆలియా ఇద్ద‌రినీ RRR కి ఫైన‌ల్ చేస్తాడేమో చూడాలి.