ఫోటో స్టోరీ: క్యాజువల్ లుక్ కూడా జివ్వనిపిస్తోందే

ఈ జెనరేషన్ బాలీవుడ్ స్టార్ కిడ్స్ లో మీడియా ఫోకస్ ఎక్కువగా ఉండేది జాన్వి కపూర్ పైన అని చెప్పడంలో ఏం సందేహం లేదు. శ్రీదేవి ముద్దుల కూతురిగా ఫిలిం ఇండస్ట్రీలోకి అడుగుపెట్టిన జాన్వి ఇప్పటివరకూ చేసింది ఒకే సినిమా అయినా క్రేజ్ మాత్రం ఓ పది సినిమాల అనుభవం ఉన్న హీరోయిన్ కు వచ్చినంత వచ్చేసింది. అలా అని మొదటి సినిమాలో నటనతో అందరినీ క్లీన్ బౌల్డ్ చెయ్యలేదు. గ్లామర్ లో అమ్మను మించిపోనూలేదు. అయినా క్రేజ్ మాత్రం అలా వచ్చేసింది.

జాన్వి ఇప్పుడు రెండు మూడు సినిమాల్లో నటిస్తూ బిజీగానే ఉంది కానీ దాంతో సంబంధం లేకుండా సోషల్ మీడియాలో హీటు పెంచగలిగే భామ. ముఖ్యంగా జిమ్ముకు వెళ్ళే సమయంలో జాన్వి డ్రెస్సులు ఎంత ఫేమస్ అంటే.. మిగతా హీరోయిన్లు ఫాలో ఫాలో అని అనాల్సిన అవసరం ఏర్పడింది. ఇక జాన్వి అలా బైట కనిపిస్తే చాలు ముంబైలో ఫోటోగ్రాఫర్లు క్లిక్కుమనిపిస్తారు. ఆ ఫోటోలు సోషల్ మీడియాలో వైరల్ అవుతాయి. రీసెంట్ గా అలాంటి సంఘటనే జరిగింది. జాన్వి ముంబైలోని ఒక పోష్ ఏరియాలో తన కారు ఎక్కడానికి రెడీ అవుతూ కనిపించింది. ఇక వెంటనే జాన్వి ఫోటోలు తీశారు. ఇలా సడెన్ గా ఫోటోలు తీసినప్పటికీ జాన్వి మాత్రం ఎంతో అందమైన నవ్వుతో పోజులిచ్చేసింది.

వైట్ షర్టు.. బ్లూ జీన్స్ ధరించిన జాన్వి చాలా క్యాజువల్ గా కనిపించింది. షర్టుకు పై బటన్ పెట్టుకోకపోవడంతో కాస్త హాటు లుక్ కూడా వచ్చేసింది. ఈ జెనరేషన్ స్టార్ కిడ్ కదా. ఆ మాత్రం హాట్ గా ఉండడం కామనే. ఇక సినిమాల విషయానికి వస్తే ఎయిర్ ఫోర్స్ పైలట్ గుంజన్ సక్సేనా బయోపిక్ 'గుంజన్ సక్సేనా' చిత్రంలో నటిస్తోంది. ఈ సినిమా కాకుండా కరణ్ జోహార్ 'తఖ్త్' లో కూడా హీరోయిన్ గా నటిస్తోంది.