ఫోటో స్టోరీ: పింక్ మిడ్డీ పంక‌జం

హిట్టొచ్చిన వేళా విశేషం.. అస‌లు అందాల‌ జాన్వీని ప‌ట్టుకోవ‌డం ఎవ‌రి వ‌ల్లా కావ‌డం లేదు. చ‌క్క‌న‌మ్మ చిక్క‌నంటోంది! స‌క్సెస్‌తో వ‌చ్చిన గ్లోతో ఉత్త‌రాది వినువీధుల్లో ఈ అమ్మ‌డు సంచ‌రిస్తున్న తీరు చూస్తుంటే సాక్షాత్తూ అతిలోక సుంద‌రి పూన‌కం పూనిందా? అన్న‌ట్టే ఉంది. ఒక‌వేళ మీకేమైనా సందేహం ఏదైనా ఉంటే ఇదిగో ఈ ఫోటో చూశాక మాట్లాడండి!

పొట్టి ప‌రికిణీలో ల‌య‌బ‌ద్ధంగా అలా వాక్ చేస్తూ చిలౌట్ చేస్తోంది జాన్వీ. ఫ్లోర‌ల్ డిజైన్ టైట్ ఫిట్ పింక్ మిడ్డీలో చాలానే హొయ‌లు పోతోంది. ప్ర‌బ‌ల్ గురుంగ్ ఈ డిజైన్‌ ని రూపొందించిన ఈ డిజైన్‌ కి పెర్ఫెక్ట్‌ గా ఫిట్ అయ్యింది జాన్వీ. ధ‌డ‌క్ స‌క్సెస్ త‌ర్వాత ఈ భామ‌ పబ్లిక్ అప్పియ‌రెన్స్ పూర్తిగా మారిపోయింది. రొటీన్ ఫార్ములాటిక్ లుక్‌ ని పూర్తిగా దూరం పెట్టేసి ఫేజ్ -3 బాడీ లాంగ్వేజ్‌ని అల‌వ‌ర్చుకున్న జాన్వీ - అందుకు త‌గ్గ‌ట్టే సెల‌క్టివ్ లుక్‌ తో తుక్కు రేగ్గొడుతోంది. అయితే జాన్వీలోని ఈ ఛేంజ్‌ కి మామ్ శ్రీ‌దేవి కార‌ణం. తాను ఇచ్చిన టిప్స్ ఇప్పుడు ఇంత పెద్ద‌గా వ‌ర్క‌వుట‌వుతున్నాయ‌నే చెప్పాలి. జాన్వీ క‌థానాయిక‌గా ఆరంగేట్రం చేయ‌డానికి ముందే శ్రీ‌దేవి త‌న‌ని వెంట పెట్టుకుని ఫేజ్ 3 ప్ర‌పంచం ఎలా ఉంటుందో నేర్పించిన సంగ‌తిని ఈ సంద‌ర్భంగా గుర్తు చేసుకోవాలి.

జాన్వీ ప్ర‌స్తుతం ఓ భారీ హిస్టారిక‌ల్ చిత్రానికి సంతకం చేసిన సంగ‌తి తెలిసిందే. త‌క్త్ అనేది టైటిల్. ర‌ణ‌వీర్ సింగ్‌, క‌రీనా క‌పూర్‌ లాంటి భారీ తారాగ‌ణం ఈ చిత్రంలో న‌టిస్తున్నారు. ఇందులో జాన్వీ ఓ కీల‌క పాత్ర పోషించ‌నుంది. ఈ సినిమాకి క‌ర‌ణ్ జోహార్ నిర్మాత‌గా వ్య‌వ‌హ‌రిస్తున్నారు. మ‌రిన్ని వివ‌రాలు తెలియాల్సి ఉందింకా.