శ్రీదేవి డాటర్ దఢక్ అటగా..

స్వర్గ లోక సుందరిగా పేరు తెచ్చుకున్న శ్రీదేవి వెళ్లిపోవడంతో ఆమె స్థానాన్ని ఇంతవరకు ఎవరు భర్తీ చేయలేదనే చెప్పాలి. అయితే శ్రీదేవి మాత్రం మళ్లీ తన స్థానాన్ని తన పెద్ద కుమార్తె భర్తీ చేస్తుందని పలు వేడుకలలో ధీమా వ్యక్తం చేసింది. అయితే అనుకున్నట్టుగానే ఆ ప్రయత్నాలు మొదలయ్యాయి. జాహ్నవి కపూర్ మొన్నటి వరకు వస్తోంది.. వస్తోంది అని వార్తలు వచ్చాయి.

ఇక ఫైనల్ గా సినిమా స్టార్ట్ చేసందుకు నిర్మాత కరణ్ జోహార్ సిద్ధమయ్యారు. మరాఠీ భాషలోని సైరత్ సినిమాకు రీమేక్ గా వస్తోన్న సినిమాలో జాహ్నవి నటించనుంది. హీరోయిన్ పాత్రకు ప్రాధాన్యం ఉన్న కథ కావడంతో అంచనాలు భారీగానే ఉన్నాయి. జాహ్నవీ లాంటి స్టార్ కూతురు ఎలా నటిస్తుందని అందరు ఆతృతగా ఎదురు చూస్తున్నారు. శశాంక్ ఖైతాన్ దర్శకత్వం వహించబోతోన్న ఈ సినిమాకు దఢక్ అనే టైటిల్ ను సెట్ చేసినట్లు తెలుస్తోంది. వచ్చే నెల హర్యానా లో మొదటి షెడ్యూల్ తో షూటింగ్ స్టార్ట్ కానుంది.

ఇక సంగీత దర్శకుడిగా ఒరిజినల్ కథకు మ్యూజిక్ అందించిన అజయ్ - అతుల్ లనే ఈ సినిమాకు ఒకే చేశారు. ప్రస్తుతం ఫ్రీ ప్రొడక్షన్ పనుల్లో చిత్ర యూనిట్ బిజీగా ఉంది. జాహ్నవి కూడా హోమ్ వర్క్ బాగానే చేసింది. తల్లి శ్రీదేవి దగ్గర నుంచి చాలా టిప్స్ కూడా తీసుకుందట. ఇక జిమ్ వర్కౌట్స్ బాగానే చేసింది. మరి అమ్మడు ఎంతవరకు మెప్పిస్తుందో చూడాలి.