వీడియో: జాన్వీ స్టెప్పులు మెరుపులే మెరుపులు

ధ‌డ‌క్ చిత్రంతో బాలీవుడ్ లో అడుగుపెట్టిన జాన్వీ బ్యాక్ టు బ్యాక్ సినిమాల‌తో బిజీగా ఉన్న సంగ‌తి తెలిసిందే. ప్ర‌స్తుతం వ‌రుస‌గా నాలుగైదు చిత్రాల్లో న‌టిస్తూ బిజీగా ఉంది. ఇటీవ‌ల‌ కార్గిల్ గ‌ర్ల్ ఓటీటీలో స్ట్రీమింగ్ అయ్యింది. తాజాగా జాన్వి కపూర్-రాజ్ కుమార్ రావు ప్ర‌ధాన పాత్ర‌ల్లో న‌టించిన‌ హర్రర్ కామెడీ `రూహి అఫ్జానా` మార్చి 11 నుంచి థియేట‌ర్ల‌లో అందుబాటులోకి వ‌స్తోంది.

కొన‌సాగుతున్న క్రైసిస్ కార‌ణంగా ఈ సినిమా రిలీజ్ ఇప్ప‌టికే ప‌లుమార్లు వాయిదా ప‌డింది. మ‌హ‌మ్మారీ వేళ‌ థియేటర్లలో విడుదలయ్యే బాలీవుడ్ ఎ-లిస్టర్స్ లో ఇది మొదటి చిత్రం కానుంది. ఇప్ప‌టికే ఈ మూవీ పోస్ట‌ర్లు టీజ‌ర్ వైర‌ల్ అయ్యాయి. ఇంత‌కుముందు రూహీ మోషన్ పోస్టర్ ను ``ఇస్ భూతియా షాదీ మెయి ఆప్కా స్వాగత్ హై!`` అనే ట్యాగ్ ‌లైన్ తో రిలీజ్ చేయ‌గా అది వైర‌ల్ అయ్యింది. హార‌ర్ కాన్సెప్టుతోనే ఇంత‌కుముందు రాజ్ కుమార్ రావు- శ్రద్ధా కపూర్ ప్రధాన పాత్రల్లో నటించిన హిట్ చిత్రం `స్ట్రీ` ని త‌ల‌పించింది.

తాజాగా రూహీ నుంచి `న‌దియోం పార్ ..` వీడియో సాంగ్ రిలీజైంది. ఇందులో జాన్వీ అదిరిపోయే డ్యాన్సుల‌తో అద‌ర‌గొట్టింది. ముఖ్యంగా జాన్వీ ఎక్స్ ప్రెష‌న్స్ నృత్యాల్లో గ్రేస్ మామ్ శ్రీ‌దేవినే త‌ల‌పించాయ‌న్న ప్ర‌శంస‌లు ద‌క్కుతున్నాయి. ప్ర‌త్యేకించి ఆ గోల్డ్ మిర్ర‌ర్ డిజైన‌ర్ డ్రెస్ లో జాన్వీ అందాలు యువ‌త‌రానికి స్పెష‌ల్ ట్రీట్ అనే చెప్పాలి. మ‌రో వారం రోజుల్లోనే ఈ మూవీ రిజ‌ల్ట్ ఏంటో తేల‌నుంది. దీంతో పాటు దోస్తానా సీక్వెల్లోనూ జాన్వీ న‌టిస్తున్న సంగ‌తి తెలిసిందే.