జాన్వీ రెడ్ హాట్ లుక్

క‌పూర్ గాళ్ జాన్వీ స్పీడ్ గురించి తెలిసిందే. బాలీవుడ్ లో సోన‌మ్ క‌పూర్ త‌ర్వాత ఆ రేంజులో ఫ్యాష‌నిస్టాగా పాపుల‌రైంది. గ‌త కొంత‌కాలంగా జాన్వీ సోద‌రి సోన‌మ్ కాస్త స్థ‌బ్ధుగానే ఉంటోంది. పెళ్లి త‌ర్వాత ర‌క‌ర‌కాల ఈవెంట్ల‌లో క‌నిపించినా మునుప‌టితో పోలిస్తే ఫ్యాష‌న్ కంటెంట్ పై మ‌రీ అంత ఎక్కువ‌గా దృష్టి సారించ‌డం లేదు. ఆ క్ర‌మంలోనే అనూహ్యంగా జాన్వీ క‌పూర్ ఈ లోటును భ‌ర్తీ చేస్తోంది.

ఇటీవ‌లే డ‌బు ర‌త్నానీ క్యాలెండ‌ర్ పై అదిరిపోయే ఫోజుతో షాకిచ్చింది. 200 ప‌ర్సంట్ ప‌రిణ‌తి చెందిన టాప్ మోడ‌ల్ లా జాన్వీ ఇచ్చిన ఫోజు యువ‌త‌రంలోకి దూసుకెళ్లింది. ఆ రూపం ఇంకా బోయ్స్ క‌ళ్ల ముందు నుంచి చెరిగిపోక ముందే `హ‌లో` (ఫిబ్ర‌వ‌రి డిజిట‌ల్ క‌వ‌ర్‌) అంటూ ప‌ల‌క‌రించేసింది. అప్పుడే మొగ్గ నుంచి విచ్చుకుని పూర్తి పుష్పంగా మారినంతం అందంగా క‌నిపిస్తోంది ఈ లుక్ లో. పూవు పుట్ట‌గానే ప‌రిమ‌ళించును అన్న సూక్తికి నిద‌ర్శ‌నంగా నిలుస్తోంది. మామ్ శ్రీ‌దేవి వార‌సురాలిగా జాన్వీ త‌న స్థాయిని కాపాడుకోవ‌డానికి ఎంత‌గా త‌పిస్తోందో తాజా ఫోటోషూట్లు చెబుతున్నాయి. ముద్ద మందారంలా రెడ్ హాట్ అప్పియ‌రెన్స్ తో ఆక‌ట్టుకుంది.

ఇక కెరీర్ ప‌రంగా ప‌రిశీలిస్తే.. అందాల జాన్వీ క‌పూర్ ప్ర‌స్తుతం క‌ర‌ణ్ జోహార్ తెర‌కెక్కించ‌నున్న‌ భారీ హిస్టారిక‌ల్ చిత్రం `త‌క్త్` లో న‌టించేందుకు రెడీ అవుతోంది. ఈ సినిమాలో క‌రీనాక‌పూర్ - ర‌ణ‌వీర్ సింగ్ - భూమి ఫెడ్నేక‌ర్ - విక్కీ కౌవ‌ల్ వంటి టాప్ స్టార్ల‌తో క‌లిసి న‌టించ‌నుంది. అలాగే భార‌త‌దేశ తొలి పైలెట్ గా ఓ ప్ర‌యోగాత్మ‌క బ‌యోపిక్ లోనూ జాన్వీ న‌టించ‌నుంది. ఈ సినిమాల లైన‌ప్ తో స్టార్ కిడ్ రేంజ్ ఒక్క‌సారిగా స్కైని ట‌చ్ చేస్తోంది. న‌టించిన తొలి సినిమా ధ‌డక్ లో న‌ట‌న ప‌రంగా చ‌క్క‌ని మార్కులు వేయించుకున్న జాన్వీ కెరీర్ ప‌రంగా వెనుదిరిగి చూసుకోవాల్సిన ప‌నే లేనంత‌గా ప్లాన్ చేస్తున్నారు బోనీక‌పూర్. క‌ర‌ణ్ జోహార్ జాన్వీని తీర్చిదిద్దుతున్న తీరుపైనా ఆస‌క్తిక‌ర చ‌ర్చ సాగుతోంది.