కెమెరా కంటపడ్డ కపూర్ డాటర్స్.. కారు దిగుతూ ఆ డ్రెస్సులో..!!

బాలీవుడ్ బ్యూటీ జాన్వీ కపూర్.. ఇప్పుడిప్పుడే ఇండస్ట్రీలో సొంతంగా అవకాశాలు రాబట్టుకునే ప్రయత్నం చేస్తుంది. అతిలోక సుందరి శ్రీదేవి కూతురుగా ఇండస్ట్రీలో అడుగు పెట్టిన జాన్వీ ప్రస్తుతం తనకంటూ ప్రత్యేక గుర్తింపు కోసం కష్టపడుతోంది. ఇక దడక్ సినిమాతో బాలీవుడ్ లో హీరోయిన్ గా మారిన జాన్వీ.. మొదటి సినిమాతోనే కుర్రకారు మనసు దోచుకుంది. అప్పటి నుండి అమ్మడిని రెగ్యులర్ గా ఫాలో అవ్వడం స్టార్ట్ చేశారు సినీ ప్రియులు. నిజానికి జాన్వీ చేసింది రెండు సినిమాలే కానీ క్రేజ్ మాత్రం మాములుగా సొంతం చేసుకోలేదు. ఇప్పటికే జాన్వీ కపూర్ కోసం దర్శక నిర్మాతలు ఆమెతో సినిమాలు తీసేందుకు ఉత్సాహంగా ఉన్నారు.

ఇక లాక్ డౌన్ కారణంగా ఇంతకాలం ఇంటి పట్టునే ఉన్న జాన్వీ.. ఇటీవల కార్గిల్ గర్ల్ సినిమాతో ప్రేక్షకులను పలకరించింది. కానీ ఆ మూవీ రిజల్ట్స్ పక్కన పెడితే అమ్మడికి మాత్రం మంచి మార్కులే పడ్డాయి. ఇక సోషల్ మీడియాలో జాన్వీ ఫాలోయింగ్ గురించి చెప్పక్కర్లేదు. తాజాగా ఈ భామ తన చెల్లి ఖుషి కపూర్ తో కలిసి కనిపించిన పిక్స్ ప్రస్తుతం నెట్టింట వైరల్ అవుతున్నాయి. జాన్వీ గ్లామర్ డాల్ గా కనిపిస్తుండగా.. ఖుషి అక్క వెనకే ఫాలో అవుతూ వెళ్ళింది. ఇద్దరు కూడా జిమ్ వర్కౌట్ డ్రెస్సింగ్ స్టైల్ తో కెమెరా కంటపడ్డారు. ప్రస్తుతం పలు హిందీ సినిమాలతో నటిగా బిజీ అవుతుంది జాన్వీ. ‘రుహీ అఫ్జా’, ‘తక్త్‌’ సినిమాలో నటిస్తోంది ఈ ముద్దుగుమ్మ. మరి చెల్లి ఖుషి కూడా సినీ రంగప్రవేశం చేస్తుందేమో చూడాలి.