జాన్వీ అస‌లు త‌గ్గ‌ట్లేదుగా....

అల‌నాటి అందాల తార శ్రీదేవి కూతురు జాన్వీ `ధ‌డ‌క్` చిత్రంలో తెరంగేట్రం చేయ‌బోతోన్న సంగ‌తి తెలిసిందే. ఆ మూవీ ఎనౌన్స్ చేసిన‌ప్ప‌టి నుంచి జాన్వీ త‌న ఫొటోల‌తో సోష‌ల్ మీడియాలో హ‌ల్ చ‌ల్ చేస్తోంది. ఎప్ప‌టిక‌పుడు త‌న ఫొటోల‌ను సోషల్ మీడియాలో షేర్ చేస్తూ ఆమె అభిమానుల‌కు క‌నువిందు చేస్తోంది. `అతిలోక‌సుంద‌రి`త‌న‌య అందాల‌కు కుర్ర‌కారు ఫిదా అవుతున్నారు. టైగర్ జిందా హై సినిమా చూసిన త‌ర్వాత జాన్వీ పోస్ట్ ఇన్స్టాగ్రామ్ లో పోస్ట్ చేసిన ఒక ఫొటో వైర‌ల్ అయిన సంగ‌తి తెలిసిందే. తాజాగా, ఈ అందాల భామ పొట్టి డ్రెస్ లో ద‌ర్శ‌న‌మిచ్చిన ఫొటో ఒక‌టి బ‌య‌ట‌కు వ‌చ్చింది. ప్ర‌స్తుతం ఆ ఫొటో సోషల్ మీడియాలో వైర‌ల్ అయింది.

ముంబైలోని ఓ షాపింగ్ కాంప్లెక్స్ ముందు పింక్ షార్ట్ - బ్లాక్ టాప్ లో న‌డిచి వెళ్తోన్న జాన్వీ ఫొటో ఒక‌టి ప్ర‌స్తుతం సోషల్ మీడియాలో వైర‌ల్ అయింది. పింక్ షూస్ వేసుకున్న జాన్వీ ఆ సింపుల్ డ్రెస్ లో కూడా చాలా క్యూట్ గా ఉంది. స్లిమ్ గా ఉండేందుకు ఈ అమ్మ‌డు ఫిట్ నెస్ ను బాగానే మెయింటెన్ చేస్తున్న‌ట్లు ఆ పిక్ ను చూస్తే తెలుస్తోంది. మొత్తానికి ఈ పొట్టి డ్రెస్ లో జాన్వీ అందాలు కుర్ర‌కారు మ‌తి పోగొడుతున్నాయి. సినిమా విడుద‌ల కాక‌ముందే ఈ రేంజ్ లో ఫాలోయింగ్ సంపాదించుకున్న జాన్వీ ....సినిమా విడుద‌ల‌య్యాక త‌న న‌ట‌న‌, అంద‌చందాల‌తో ఇంకెంత‌మంది హృద‌యాల‌ను కొల్ల‌గొడుతోందో వేచి చూడాలి. మరాఠి సినిమా సైరత్ కు రీమేక్ గా వ‌స్తోన్న ద‌ఢ‌క్ లో ఇశాన్ ఖతార్, జాన్వీలు జంట‌గా న‌టిస్తోన్న సంగ‌తి తెలిసిందే. వ‌చ్చే ఏడాది జూన్ లో ఈ చిత్రాన్ని విడుద‌ల చేయాల‌ని నిర్మాత క‌ర‌ణ్ జోహ‌ర్ ప్లాన్ చేస్తున్నాడ‌ట‌.