ఆ ఇద్దరు మాస్టర్‌ ల సరసన ఈ మాస్టర్ నిలిచేనా?

సినిమా ఇండస్ట్రీలో రచయితలు దర్శకులుగా మారడం.. సినిమాటోగ్రాఫర్లు దర్శకులుగా మారడం.. నటులు దర్శకులుగా మారడం చాలా కామన్‌ గా చూస్తూనే ఉంటాం. కాని చాలా అరుదుగా మాత్రమే కొరియోగ్రాపర్స్‌ హీరోలుగా మారుతూ ఉండటం చూస్తూ ఉంటాం. కొరియోగ్రాఫర్స్ లో కొందరు దర్శకులుగా మారారు. కాని అతి కొద్ది మంది మాత్రమే సక్సెస్ లు దక్కించుకున్నారు. ఇండియాలో ఇద్దరు కొరియోగ్రాఫర్లు మాత్రం హీరోలుగా మరియు దర్శకులుగా మంచి పేరును దక్కించుకున్నారు. ఆ ఇద్దరు అందరికి తెలిసిన వారే లారెన్స్ మరియు ప్రభుదేవా. వీరిద్దరు కూడా సౌత్‌ లోనే కాకుండా బాలీవుడ్‌ లో కూడా అడుగు పెట్టారు. దర్శకులుగా హీరోలుగా ఎన్నో సక్సెస్ లను దక్కించుకున్నారు. వీరిద్దరు కాకుండా ఒక్కరు ఇద్దరు కొరియోగ్రాఫర్‌ లు కొత్త ప్రయత్నాలు చేసినా కూడా ఫలితం లేకుండా పోయింది. సౌత్‌ లో వీరిద్దరు కాకుండా మరెవ్వరు కూడా సక్సెస్‌ ఫుల్‌ దర్శకులు కమ్‌ హీరోలుగా పేరు దక్కించుకోలేక పోయారు. వీరిద్దరి తర్వాత తాను ఆ జాబితాలో చేరుతాను అంటూ జానీ మాస్టర్ కొత్త జర్నీ మొదలు పెట్టాడు. కొరియోగ్రాపర్‌ గా సూపర్‌ సక్సెస్‌ లు దక్కించుకుంటూ సౌత్‌ లోనే కాకుండా నార్త్‌ నుండి కూడా ఆఫర్లు వస్తున్న సమయంలో అనూహ్యంగా ఈ కొరియోగ్రాఫర్‌ నటుడిగా ఎంట్రీ ఇచ్చేందుకు సిద్దం అయ్యాడు. ఈయనకు సంబంధించిన మొదటి సినిమా ఇప్పటికే ప్రారంభం అయ్యింది. ఆ సినిమా ఈ ఏడాదిలోనే విడుదల చేసేలా మేకర్స్ ప్లాన్‌ చేస్తున్నారు. జానీ మాస్టర్ కు ఉన్న క్రేజ్ నేపథ్యంలో ఈ సినిమాను తెలుగు తో పాటు పలు భాషల్లో కూడా విడుదల చేయబోతున్నట్లుగా మేకర్స్ చెబుతున్నారు. సాదారణంగా మొదటి సినిమా విడుదలై.. దాని ఫలితాన్ని బట్టి రెండవ ఆఫర్‌ వస్తుంది లేదంటే రెండవ సినిమా ఫలితాన్ని బట్టి వారు తదుపరి నిర్ణయం తీసుకునే అవకాశం ఉంటుంది. కాని జానీ మాస్టర్‌ మాత్రం రెండవ సినిమా కు ఓకే చెప్పాడు.

చాలా ఏళ్ల క్రితం ఛార్మి తో మంత్ర అనే సినిమా ను తెరకెక్కించిన దర్శకుడు ఓషో తులసీరామ్ గుర్తు ఉన్నాడు కదా.. ఆయనే ఆ తర్వాత ఛార్మితో మంగళ సినిమా ను తెరకెక్కించాడు. ఆ సినిమా నిరాశ పర్చింది. మంత్ర తో వచ్చిన సక్సెస్‌ క్రేజ్ ను మంగళ తో పోగొట్టుకున్న ఓషో తులసీరామ్ మళ్లీ ఇండస్ట్రీలో కనిపించలేదు. తెర వెనుకకు వెళ్లి పోయిన ఆయన మళ్లీ ఇన్నాళ్ల తర్వాత సినిమా తో ప్రేక్షకుల ముందుకు రాబోతున్నాడు. పదేళ్ల తర్వాత ఇప్పుడు జానీ మాస్టర్ తో సినిమాను ఓషో తులసీ రామ్‌ తెరకెక్కించేందుకు ఏర్పాట్లు చేస్తున్నాడు. అందుకు సంబంధించిన అధికారిక ప్రకటన కూడా వచ్చింది. వరుసగా జానీ మాస్టర్‌ సినిమా లు చేస్తున్న నేపథ్యంలో ముందు ముందు ప్రభుదేవా మరియు లారెన్స్ మాస్టర్ తరహాలో హీరోగా సెటిల్‌ అయ్యేనా అంటూ నెటిజన్స్ కామెంట్స్ చేస్తున్నారు. జానీ మాస్టర్‌ కు హీరో అయ్యే ఫీచర్స్‌ పుష్కలంగా ఉన్నాయని.. ఖచ్చితంగా మంచి హీరోగా ఆయన పేరు దక్కించుకుంటాడు అంటూ ఆయన అభిమానులు నమ్మకంగా అంటున్నారు. ఆయన జోరు చూస్తుంటే ముందు ముందు మరిన్ని సినిమాలు చేస్తాడేమో అనిపిస్తుంది. ఈ రెండు సినిమా లు సక్సెస్ అయితే జానీ మాస్టర్ ఫుల్‌ టైమ్‌ హీరోగా మారినట్లే అంటూ నెటిజన్స్ మరియు ఇండస్ట్రీ వర్గాల వారు ఇంకా మీడియా సర్కిల్స్ వారు అభిప్రాయం వ్యక్తం చేస్తున్నారు.