మాస్ రాజాతో మూడోసారి!!

నటుడు జాన్ కొక్కెన్ కు టాలీవుడ్ తో అనుబంధం ఎక్కువే. రవితేజ డాన్ శీనుతో మొదలు పెట్టి.. పవన్ కళ్యాణ్ తీన్ మార్.. మాస్ రాజా దరువు.. మహేష్ 1-నేనొక్కడినే.. రామ్ చరణ్ తో దేవా.. బాహుబలి ది బిగినింగ్.. సర్దార్ గబ్బర్ సింగ్ చిత్రాల్లో నటించాడు జాన్ కొక్కెన్.

ప్రస్తుతం ఆది నటిస్తున్న చుట్టాలబ్బాయి మూవీలో మెయిన్ విలన్ గా కనిపించనున్న జాన్.. ముచ్చటగా మూడోసారి మాస్ మహరాజ్ మూవీలో నటించబోతున్నాడు. అనిల్ రావిపూడి దర్శకత్వంలో రూపొందుతున్న రాజా ది గ్రేట్ లో నెగిటివ్ రోల్ చేస్తున్నాడు జాన్ కొక్కెన్. 'డాన్ శీను.. దరువుల తర్వాత నాకు రవితేజతో ఇది మూడో సినిమా. ఆయనతో పని చేసే అవకాశం వచ్చిన ప్రతీ సారి నాకు మళ్లీ కెరీర్ మొదటి నుంచి మొదలుపెట్టినట్లు అనిపిస్తుంది. తను నన్ను గుర్తు పట్టడంతో ఆశ్చర్య పోయాను. ఎవరితో అయినా నటించినపుడు.. తిరిగి మనల్ని ఆ స్టార్లు గుర్తు పెట్టుకుంటే భలే ఆనందంగా ఉంటుంది'అన్నాడు జాన్.

'రవితేజ తను చాలా ఇంట్రెస్టింగ్ పర్సన్. అలాగే నా కోస్టార్ చింటు కూడా మంచి వ్యక్తి' అని చెప్పాడు జాన్. డార్జిలింగ్ లో అందరం కలిసి బాగా ఎంజాయ్ చేశామన్న జాన్ కొక్కెన్.. తాను ఈ సినిమాలో రగ్గడ్ లుక్ తో నెగిటివ్ రోల్ చేస్తున్నానని చెప్పాడు.

Like Us on Facebook : https://www.facebook.com/Tupakidotcom/