జాన్ విక్ చాప్టర్ 4 ట్రైలర్: కీను రీవ్స్ స్ట‌న్నింగ్ యాక్ష‌న్

జాన్ విక్ చాప్టర్4 ట్రైలర్ విడుద‌లైంది. ఫ్రాంఛైజీ మొద‌టి మూడు భాగాల‌ మాదిరిగానే కొత్త సినిమా ట్రైలర్ స్టైలిష్ గా ఉంది. ఆద్యంతం ఆసక్తికరమైన స్టంట్స్ తో చిరుత వేగంతో కీనూ పోరాటాలు ర‌క్తి క‌ట్టిస్తున్నాయి. హింసాత్మక యాక్షన్ సన్నివేశాలతో గ‌గుర్పొడిచే గ‌న్ ఫైట్స్ ని ఈ ట్రైల‌ర్ లో ఆవిష్క‌రించారు.

కీను రీవ్స్ హంతకుడిగా క‌నిపిస్తాడు. అత‌డు శ‌త్రువుల‌తో విరోచితంగా పోరాడుతాడు. ఈ చిత్రంలో అత‌డి కోసం కొత్త శత్రువులు వెతికే క్ర‌మంలో యాక్ష‌న్ ప‌రాకాష్ట‌కు చేరుకుంటుంది. ఈ నాల్గవ భాగంలో తాజా పాత్రల ప్ర‌వేశం క‌నిపించింది. అయితే ఫ్రాంచైజీ నుండి కొన్ని తెలిసిన ముఖాలు కూడా తిరిగి రిపీట‌య్యాయి. డోనీ యెన్- హిరోయుకి సనాడా -బిల్ స్కార్స్ గార్డ్ లను అద‌నంగా టీమ్ లో చేర్చారు. అభిమానులకు అత్యంత‌ ఇష్టమైన యాక్షన్ ఫ్రాంచైజీలో నాలుగో సినిమా కొత్త ఎలిమెంట్ లతో ర‌క్తి క‌ట్టించ‌నుంద‌ని ట్రైల‌ర్ చెబుతోంది.

కొత్త ట్రైలర్‌లో జాన్ విక్ గ‌న్ ఫైట్ ఎటాకింగ్ ఎంతో స్టైలిష్ గా క‌నిపిస్తుంది. చాప్టర్ 4లో విక్ బాడీ కౌంట్ పెరుగుతుంది. స్నేహితులు గా ఉంటారని భావించి అతని ప్రయాణంలో డోనీ యెన్ పాత్రతో క‌ల‌వ‌డం ఒక ట్విస్ట్. ట్రైలర్ లో హిరోయుకి సనాడా - బిల్ స్కార్స్‌గార్డ్ పాత్రలు విక్ మార్గానికి అడ్డంకిగా క‌నిపిస్తాయి.

జాన్ విక్ చాప్టర్ 4 లో జాన్ విక్ (కీను రీవ్స్) హై టేబుల్ ని ఓడించే పోరాం ర‌క్తి క‌ట్టించ‌నుంది. అతను తన స్వేచ్ఛ కోసం ప్రపంచవ్యాప్తంగా శక్తివంతమైన పొత్తులు క‌నిపిస్తాయి. అలాగే పాత స్నేహితులను శత్రువులుగా మార్చే శక్తులతో కొత్త శత్రువును ఎదుర్కోవడం లాంటి ట్విస్టులు ట‌ర్నుల‌తో ఈ మూవీ ర‌క్తి క‌ట్టించ‌నుంది. 24 మార్చి 2023న ఈ సినిమా హాళ్లలోకి విడుద‌ల‌వుతోంది.

మ్యాట్రిక్స్ ఫేమ్ కీను రీవ్స్ టైటిల్ రోల్ లో నటించిన 'జాన్ విక్' పోరాటాల ప‌రంగా ఎన్నో బాలీవుడ్ టాలీవుడ్ చిత్రాల‌కు స్ఫూర్తినిచ్చింది. ఎంపిక చేసుకున్న కథ చాలా సింపుల్ గా అనిపించినా కానీ స్క్రీన్‌ప్లే మ్యాజిక్.. క్రేజీ యాక్షన్ సీక్వెన్స్ లు ప్రేక్షకులను కుర్చీ అంచుపై కూచోబెడ‌తాయ‌న‌డంలో సందేహం లేదు. చాప్టర్ 4 మొదటి ట్రైలర్ జూన్ లో కామిక్ కాన్ ఈవెంట్ లో విడుదలైంది. చివరకు ట్రైలర్ ఇప్పుడు యూట్యూబ్ లోకి వ‌చ్చింది. ప్రొడక్షన్ హౌస్ లయన్స్ గేట్ రిలీజ్ స‌న్నాహ‌కాల్లో ఉన్నామ‌ని ప్రకటించింది. దర్శకుడు చాద్ స్టాహెల్ స్కీ పారిస్ ఈజిప్షియన్ ఎడారి స‌హా ర‌క‌ర‌కాల‌ ప్రదేశాలకు రైడ్ కోసం అందరినీ తీసుకెళ్ళడంతో సినిమా ఎప్పటిలాగే యాక్షన్ తో అల‌రించింది.

కీను రీవ్స్ ప‌రిమిత‌ డైలాగ్ లతో భారీ యాక్ష‌న్ తో క‌నిపిస్తున్నాడు. అతని తుపాకీ ఫైరింగ్.. కత్తి యుద్ధం చాలా స్పెష‌ల్ అని చెప్పాలి. జాన్ విక్ సిరీస్‌లోని మొదటి మూడు చిత్రాలు బాక్సాఫీస్ వద్ద సూపర్ హిట్ అయ్యాయి. అవి OTT లలో విడుదలైన తర్వాత ఎక్కువ మంది ఫాలోవర్లను సంపాదించాయి. జాన్ విక్: చాప్టర్ 4 పై ఆస‌క్తి నెల‌కొన‌డానికి కార‌ణ‌మిదే. ట్రైల‌ర్ ప్రామిస్సింగ్ గా ఉంది. జాన్ విక్ సిరీస్ లోని చాప్టర్ 5 కూడా తెర‌కెక్కే వీలుందని భావిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.