కమెడియన్ కూతురు సూపరెహ!!

జానీ లీవర్ కూతురు జామీ లీవర్ ఇప్పటికే బోలెడంత ఫేమ్ సంపాదించుకుంది. తండ్రి వారసత్వం పుణికి పుచ్చుకున్న ఈ భామ.. అందంలోనే కాదు.. ట్యాలెంట్ తో కూడా జనాలను విపరీతంగా ఆకట్టుకుంటోంది. ఇప్పటికే టీవీ షోస్.. రియాల్టీ షోలతో రచ్చ చేసేస్తోన్న ఈ బ్యూటీ.. సోషల్ మీడియాలో సూపర్ హాట్ ఫోటోలు కూడా షేర్ చేస్తూ ఉంటుంది.

పలు స్టేజ్ లపై అంతో ఇంతో అందాల ఆరబోత విషయంలో కూడా జామీ లీవర్ ఫేమ్ తెచ్చుకుంది. స్టార్ కమెడియన్ కూతురు కావడంతో.. సహజంగానే ఈమెపై మీడియా ఫోకస్ కూడా ఎక్కువగానే ఉంటుంది. అయితే.. తన టైమింగ్ అండ్ ట్యాలెంట్ తో చాలానే విమర్శలకు సమాధానం చెప్పేస్తున్న ఈ బ్యూటీ.. ఇటు ప్రతిభతోను.. అటు అందంతోను ఆకట్టుకుంటోంది. దంగల్.. కామెడీ సర్కస్.. సబ్ సే బడా కళాకార్ వంటి టీవీ షోలలో జనాలను ఫుల్ గా ఎంటర్టెయిన్ చేసేస్తున్న జామీ లీవర్ పై.. ఇండస్ట్రీ జనాల కన్ను కూడా పడింది. రీసెంట్ గా అయితే సబ్ సే బడా కళాకార్ కార్యక్రమంలో తండ్రిని పోలినట్లుగా చేసి అందరినీ ఆశ్చర్యానికి కూడా గురి చేసింది.

బాజీగర్ మూవీలో బాబూలాల్ పాత్ర ఎంతగా క్లిక్ అయిందో తెలిసిందే. ఈ పాత్రను చేయాల్సిందిగా నిర్వాహకులు కోరినపుడు తెగ సంతోషించేసిందట. తండ్రికి చెప్పకుండానే ఆ రోల్ లో నటించేసిన తర్వాత.. 'ఏంటీ నాకు కొత్త డూప్లికేటా' అని జానీ లీవర్ తో ప్రశ్న వేయించుకుందంటే.. ఆ కేరక్టర్ ను ఎంతగా పండిచేసిందో అర్ధమవుతుంది.