#పుష్ప టీమ్ తో మంచు మ‌నోజ్ జాయిన‌వుతున్నారా?

స్టైలిష్ స్టార్ అల్లు అర్జున్ హీరోగా సుకుమార్ తెర‌కెక్కిస్తున్న తాజా చిత్రం పుష్ప‌. ర‌ష్మిక మంద‌న్న క‌థానాయిక‌. అడ‌వుల్లో ఎర్ర‌చంద‌నం స్మ‌గ్లింగ్ నేప‌థ్యంలో భారీ మాస్ యాక్ష‌న్ థ్రిల్ల‌ర్ గా ఈ సినిమాని తెర‌కెక్కిస్తున్నారు. ఇప్ప‌టికే ఏపీలో రంప చోడ‌వ‌రం- మారేడుమిల్లి అడ‌వుల్లో చిత్రీక‌ర‌ణ‌ను పూర్తి చేసిన సంగ‌తి తెలిసిందే.

ఇక ఈ మూవీలో కాస్టింగ్ కూడా ఇటీవ‌ల హాట్ టాపిక్ గా మారింది. ఇందులో విజ‌య్ సేతుప‌తి పోలీస్ అధికారి పాత్ర‌లో క‌నిపించాల్సి ఉండ‌గా.. మ‌హ‌మ్మారీ క్రైసిస్ వ‌ల్ల ఆయ‌న కాల్షీట్లు వృధా అయిపోయాయ‌ట‌. దీంతో సేతుప‌తి ఈ మూవీ నుంచి త‌ప్పుకున్నారు. మ‌రి ఆ పాత్ర‌కు ఎవ‌రు స‌రిపోతారు? అంటే.. సుక్కూ ఈసారి మంచు మ‌నోజ్ పేరును ప‌రిశీలిస్తున్నార‌ని గుస‌గుస‌లు వినిపించాయి.

మ‌నోజ్ కెరీర్ డైల‌మా గురించి తెలిసిన‌దే. ఇటీవ‌ల సొంత బ్యాన‌ర్ ప్రారంభించి హీరోగా అందులో సినిమాని ప్రారంభించాడు. ఈ మూవీ రీలాంచ్ లాంటిది. ఇలాంటి స‌మ‌యంలో పుష్ప‌లో ఆ పాత్రకు ఓకే చెప్పాడా? అల్లు అర్జున్ తో చిన్న‌ప్ప‌టి నుంచి ఫ్రెండ్ కాబ‌ట్టి ఒప్పించారా? అన్న‌ది తెలియాల్సి ఉంటుంది.

ఒక‌వేళ మ‌నోజ్ టీమ్ లో చేరితే .. స్మ‌గ్ల‌ర్ల వెంట ప‌డే పోలీస్ గా క‌నిపించ‌బోతున్నాడ‌న్న‌మాట‌. అంటే బ‌న్నితో నువ్వా నేనా? అనే ఠ‌గ్ ఆఫ్ వార్ ఉండే పాత్ర‌నే అయ్యి ఉంటుంది. మ‌రి అలాంటి ఇంపార్టెంట్ పాత్రను మ‌నోజ్ కాద‌నుకుంటాడా? అన్న‌ది చూడాలి. ఇంత‌కుముందు న‌వ‌దీప్ .. సుశాంత్ లాంటి హీరోల‌కు బ‌న్ని లిఫ్టిచ్చే ప్ర‌య‌త్నం చేశాడు. ఆ ఇద్ద‌రూ అల వైకుంఠ‌పుర‌ములో చిత్రంలో న‌టించిన సంగ‌తి తెలిసిందే. న‌వ‌దీప్ ఆర్య 2లోనూ న‌టించాడు. ఈసారి మ‌నోజ్ కి అలాంటి సాయ‌మే చేయ‌బోతున్నాడా?