హాలీవుడ్ జోకర్ ఫ్యాన్స్ కి శుభవార్త!

ప్రపంచ వ్యాప్తంగా కోట్ల జనాభా ఎంటర్టైన్మెంట్ కోసం చేసే పని సినిమాలు చూడటమే. అన్నీ రంగాలలో కంటే జనాలను ప్రేక్షకులుగా మార్చి ఎంటర్టైన్మెంట్ పంచే ఏకైక రంగం ఉందంటే అది కేవలం సినిమా రంగమే అని చెప్పాలి. ప్రపంచ వ్యాప్తంగా సినీ ప్రేక్షకులను మెప్పించే సినిమాలు అరుదుగా ఉంటాయి. అలా మెప్పించి సినిమా కోసం ఎదురుచూడటం కూడా అరుదుగా జరుగుతుంది. అలాంటి ఒక అరుదైన సినిమాయే “జోకర్". అసలు ఈ జోకర్ అనే పాత్రకే ప్రపంచ వ్యాప్తంగా విపరీతమైన క్రేజ్ ఉంది.

జోకర్ అనేది ఒక బ్రాండ్ లా మారిపోయింది. చిన్న పిల్లల దగ్గర నుంచి పెద్ద వారి వరకు జోకర్ పాత్ర ఒక రోల్ మోడల్ అయింది. టాలెంటెడ్ జాక్వీన్ ఫోనిక్స్ హీరోగా నటించిన జోకర్ సినిమా గత ఏడాది ప్రపంచ వ్యాప్తంగా విడుదలయ్యి బాక్సాఫీస్ దగ్గర కనక వర్షాన్ని కురిపించింది. దాదాపు ప్రపంచవ్యాప్తంగా 8వేల కోట్లు కొల్లగొట్టిన ఈ సినిమా.. మనదేశంలోనే 100కోట్లు వసూల్ చేసింది. ఈ సినిమాలో ఫోనిక్స్ అద్భుతమైన నటనకు బెస్ట్ యాక్టర్ గా ప్రపంచ ప్రఖ్యాత ఆస్కార్ అవార్డు అందుకున్నాడు.

అంతేగాక మన దేశంలో కూడా భారీ హిట్ అయ్యింది. దీనితో ఈ సినిమా డిజిటల్ ప్రీమియర్ కు ఎప్పటి నుంచో భారీ డిమాండ్ ఏర్పడింది. అప్పటినుండి ఈ జోకర్ సినిమా ఏ డిజిటల్ యాప్ లో వస్తుందా అని ఎదురు చూసారు సినీ అభిమానులు. కానీ ఇప్పుడు ప్రశ్నకు తెరపడింది. ఈ సినిమా అమెజాన్ ప్రైమ్ లో ప్రపంచ వ్యాప్తంగా ఈ ఏప్రిల్ 20 నుంచి స్ట్రీమ్ అవుతుంది. మొత్తానికి ప్రపంచ వ్యాప్తంగా జోకర్ సినిమా కల్ట్ ఫ్యాన్స్ కు ఇది పెద్ద శుభ వార్తే అని చెప్పాలి. మరి ప్రైమ్ లో ఎలాంటి రికార్డులు తిరగరాస్తుందో చూడాలి..