హీరో ఫ్యాన్స్ లేడీ జర్నలిస్టును బూతులే

జనాల ఐక్యత కోసం కొన్ని బలమైన మార్పు కోసం ఉపయోగపడవలిసిన సోషల్ మీడియా అప్పుడు అప్పుడు కొన్ని సోషల్ క్రైమ్ కి కారణం కూడా అవుతుంది. ముఖ్యంగా మన దేశంలో ఒక రాజకీయ నాయకులుపైన కానీ లేదా ఏదైనా మతాలు పై మన అభిప్రాయాలను చెప్పిన అది పెద్ద రాద్దాంతంగా మారుతుంది. ఇంకా సినిమా వాళ్ళ పైనా అయితే జనాలు ఏ రకంగా ఆడుకుంటారో మనం చెప్పవలిసిన పనిలేదు. ఇప్పుడు కూడా ఒక అమ్మాయి ఒక సినిమా చూసి వేరే హీరో సినిమాతో పోల్చి తన అభిప్రాయాన్ని చెప్పడం వలన తెగ ఇబ్బందులు పడుతోంది.

బెంగళూరులో జర్నలిస్టు గా పని చేస్తున్న ధన్య రాజేంద్రన్ అనే అమ్మాయి పై ట్విటర్ లో కొంతమంది గుర్తుతెలియని తమిళ్ హీరో అభిమానులు ఆమెను దూషించటం, భయపెట్టడం చేస్తున్నారు. ధన్య రాజేంద్రన్ ఆ విషయం పై పోలీసులకు ఫిర్యాధు కూడా చేసింది. ఇంతకు ఆ అమ్మాయి తన ట్విటర్ లో ఏమి అన్నది అంటే కిందటి వారం షారూక్ ఖాన్ సినిమా ‘జబ్ హ్యారి మెట్ సెజల్ ‘సినిమా చూసి “ షారూక్ ఖాన్ సినిమా చూశాను ఇది ఎంత ధారుణంగా ఉంది అంటే కొన్ని ఏళ్ళ కిందట వచ్చిన హీరో విజయ్ ‘శూర’ నయం” అని పోస్ట్ చేసింది. దీనితో ఆ అమ్మాయి ట్విటర్ కి కొన్ని బెదిరింపులు రావడం మొదలుపెట్టాయి. ఇది ఎవరో కావాలనే అనే చేస్తున్నారని అంటోంది ఆ లేడీ జర్నలిస్ట్. ముఖ్యంగా సాయంత్రం 6 గంటలకు హష్ టాగ్ లు ఎక్కువగా ట్రెండ్ చేస్తునట్లు తెలిపింది.

ఇదే కేస్ ను విచారణ చేస్తున్న పోలీసు అధికారులు మాట్లాడుతూ “మేము ఈ కేస్ ని పూర్తిగా విశ్లేషణ చేసిన తరువాత నలుగురు వ్యక్తులను నిందితులుగా అనుకొంటున్నాము. వాళ్ళను ట్రేస్ చేయడానికి ప్రయత్నాలు కూడా చేస్తున్నాము అని తెలిపారు. వారిలో కొంతమంది వాళ్ళ ట్విటీర్ ఎకౌంట్లు కూడా డిలీట్ చేసేశారు” అని చెప్పారు. కానీ ఈ వివాదం పై ఆ హీరో ఇంతవరకు ఎటువంటి స్పందన ఇవ్వలేదు. ఇలానే ఒకసారి ముంబాయి రాజకీయ నాయకుడు పై ఇద్దరు అమ్మాయిలు వాళ్ళ అభిప్రాయాలూ చెబితే ఆ పార్టీ అనుచరులు ఆ అమ్మాయిలును పట్టుకొని భయపెట్టిన సందర్భాలు ఉన్నాయి. మన జనాలలో ఇప్పుడు ఇలాంటి అనాగరికమైన లక్షణాలు చాలానే పెరుగుతున్నాయ్.